तुलसीपुर, २१ असार । सल्यानको कपुरकोट गाउँपालिका ३ मा करेन्ट लागेर गम्भिर घाइते भएका एकजनाको मृत्यु भएसँगै मृतकको संख्या ३ पुगेको छ । दाङको तुलसीपुरबाट रोल्पाका लागि छुटेको यात्रु बाहक बसले विद्युतीय तारलाई छुदा करेन्ट लागेर आज बिहान वावु छोराको मृत्यु भएको थियो भने एक जना गम्भिर घाइते भएका थिए । करेन्ट लागेर गम्भिर घाइते भएका गाडी धनी सल्यानको छत्रेश्वरी गाउँपालिका –६ निवासी ३३ वर्षका महेन्द्र वलीको पनि उपचारकै क्रममा राप्ती प्रादेशिक अस्पताल तुलसीपुरमा मृत्यु भएपछि मृतकको संख्या ३ पुगेको जिल्ला प्रहरी कार्यालय सल्यानका सूचना अधिकारी गोपाल श्रेष्ठले जानकारी दिनुभएको छ ।
बसमा सवार रोल्पाको गंगादेव गाउँपालिका –४ निवासी ७० वर्षका बालाराम डाँगी र उहाँका छोरा ४५ वर्षका टोपलाल डाँगीको भने घटना स्थलमै मृत्यु भएको हो । तुलसीपुर सल्यान सडक खण्ड अन्तर्गत कपुरकोट गाउँपालिका ३ चोरखोला नजिकै लत्रिएको ११ हजार भोल्टेजको विद्युतिय तारमा रा १ ख ८३४ नम्बरको बसले छुँदा आज बिहान दुर्घटनामा परेको थियो ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१९ फाल्गुन २०७८ १७:०९
२४ माघ २०७९ ११:४४
©Copyright©2021-2024 शहिद महान स्मृति संचार गृह प्रा.ली.
