हेमन्त प्रकाश वली,दाङ। नेपाल कम्युनिस्ट पार्टी निकट अखिल(क्रान्तीकारी) लुम्बिनी प्रदेश समितिको प्रथम पुर्ण बैठक दाङमा सम्पन्न भएको छ।
बैठकले प्रदेशमा “बैज्ञानिक समाजवादी व्यवस्था र शिक्षा प्राप्तिको लागि जनमतसंग्रह” को नारा लिएर तीन महिने अभियान संचालन गर्ने निर्णय गरेको छ जसको लागि अखिल(क्रान्तिकारी) लुम्बिनी प्रदेश इन्चार्ज दिपक बिष्टको संयोजकत्वमा ११ सदस्यीय अभियान टिम गठन गरिएको छ।
यस्तै बैठकले अवैध रुपमा संचालित सबैखाले शैक्षिक संस्थाका विरुद्ध संघर्ष गर्ने,सरकारी बिधालयमा अंग्रेजी माध्यमको वाहानावाजी गरि लिएको शुल्कका विरुद्ध संघर्ष गर्ने,कोरोना महामारी(बन्दाबन्दी) को शुल्क असुली गर्ने शैक्षिक संस्थाका विरुद्ध संघर्ष गर्ने,कक्षा ११ र १२ का बिद्यार्थीहरुलाइ पाठ्यपुस्तक निशुल्क र अनिवार्य तथा गरिव तथा जेहेन्दार बिद्यार्थीलाई पोशाक समेत निशुल्क गर्न माग गर्ने,बिद्यार्थीले यातायातमा पाउनुपर्ने छुटको व्यवस्था कार्यान्वयनका लागि संघर्ष गर्ने,सरकारी सामुदायिक बिधालयले बिद्यार्थी तथा अभिभावकबाट उठाएका पैसाले निर्माण तथा खरिद गरि भौतिक संरचनाको निर्माण गर्ने कार्यका विरुद्ध संघर्ष गर्ने लगाएतका महत्त्वपूर्ण निर्णय गरेको छ।
यस्तै बैठकले लुम्बिनी प्रदेशमा लामो समयसम्म बिद्यार्थी संगठनमा काम गरेर हाल त्रिभुवन विश्वविद्यालयको इन्चार्जको जिम्मेवारी प्राप्त गर्ने संगठन केन्द्रीय सदस्य अनिललाइ बिदाइ गरेको छ।
अखिल(क्रान्तिकारी) लुम्बिनी प्रदेश इन्चार्ज दिपकको अध्यक्षता तथा संचालनमा भएको प्रथम पुर्ण बैठकमा नेकपाका केन्द्रीय सचिवालय सदस्य सन्तोष बुढा मगर(विषम)को प्रमुख आतिथ्य रहेको थियो।
बैठकमा नेकपाका केन्द्रीय सदस्य तथा दाङ जिल्ला इन्चार्ज शितल,अखिल(क्रान्तिकारी) का केन्द्रीय अध्यक्ष प्रकाश शाही,अखिल(क्रान्तिकारी) केन्द्रीय कोषाध्यक्ष रुपा बुढा मगर,नेकपा दाङ जिल्ला सदस्य एवम लमही नगरका इन्चार्ज जनक,अखिल(क्रान्तिकारी) केन्द्रीय समितिका सदस्य एवम त्रिभुवन विश्वविद्यालयका इन्चार्ज अनिलको आतिथ्य रहेको थियो।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
६ चैत्र २०७८ ०७:३९
१८ चैत्र २०७८ १०:२८
४ मंसिर २०८१ ११:१०
३० कार्तिक २०८० ०७:४५
©Copyright©2021-2024 शहिद महान स्मृति संचार गृह प्रा.ली.
