काठमाडौँ : मुलुकको समसामयिक राजनीतिक अवस्था र पार्टीका गतिविधिबारे छलफल गर्दै नेकपाको सचिवालय बैठक सकिएको छ ।
पार्टी महासचिव विप्लवको अध्यक्षतामा बसेको सचिवालयको बैठकले कपिलवस्तु शिवगढीस्थित पार्टीको नवनिर्मित केन्द्रीय सम्पर्क कार्यालयमा सम्पन्न १२ औँ पूर्ण बैठकका निर्णयहरू दृढतापूर्वक कार्यान्वयन गर्ने निर्णय गरेको जानकारी केन्द्रीय कार्यालय स्रोतले दिएको छ ।
पार्टी बैठकपछि देशभर राजनीतिक–वैचारिक प्रशिक्षणहरू जारी रहेको र जिल्ला समितिका बैठकहरू पनि सञ्चालन भइरहेको अवस्थामा निर्णय कार्यान्वयनमा एकरूपता ल्याउन सचिवालयको बैठक बसेको र सचिवालयका सबै सदस्यहरू पार्टी निर्णय एकरूपतामा कार्यान्वयन गर्ने निर्णयमै दृढ रहेको पनि कार्यालय स्रोतले जनाएको छ ।
स्मरणीय छ, नेकपाको बाह्रौँ पूर्ण बैठकले दलाल संसदीय व्यवस्थाले गराउने चुनावमा पार्टीले भाग नलिने तर एमसीसीविरोधी, देशभक्त र राष्ट्रवादीहरूलाई सहयोग गर्न सकिने निर्णय गरेको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
६ असार २०७९ ०७:१०
२५ श्रावण २०८० २३:१३
१ श्रावण २०८० २१:३३
©Copyright©2021-2025 शहिद महान स्मृति संचार गृह प्रा.ली.
