प्युठानका २ वडामा विप्लव नेकपा समर्थनका स्वतन्त्र उम्मेदवार निर्वाचित

डेली न्युजराप्ती       २ जेष्ठ २०७९ ०८:४३ मा प्रकाशित     626 No Comments


जेठ २,दाङ। प्युठानको माण्डवी गाउपालिकाका २ वडामा स्वतन्त्र जनपक्षीय उम्मेदवारको प्यानल बिजयी भएका छन।
गाउँपालिकाको वडा नं. १ र ४ मा नेत्रविक्रम चन्द ‘विप्लव’ नेतृत्वको नेकपाको समर्थनमा स्वतन्त्र उम्मेदवारी दिएका नेताहरु निर्वाचित भएका हुन।

माण्डवी गाउपालिका-१ मा नेकपाको समर्थनमा स्वतन्त्र वडा अध्यक्ष पदका उम्मेदवार बाम बहादुर बुढा(पवन) निर्वाचित भएका छन। उनि ७७० मत सहित वडा अध्यक्षमा निर्वाचित भएका हुन। उनका निकटतम प्रतिद्वन्द्वी एमालेका उम्मेदवारले ६२८ मत प्राप्त गरेका थिए।

यस्तै गाउपालिकाको वडा नं. ४ मा नेकपा प्युठानका सेक्रेटरी डिल बहादुर घर्ती(अजय) निर्वाचित भएका छन।
नेकपाको समर्थन र अन्य केही दलको गठबन्धनबाट वडा अध्यक्ष पदमा स्वतन्त्र उम्मेदवारी दिएका घर्तीले ६४७ मत ल्याएर वडा अध्यक्षमा बिजयी भएका छन। उनका निकटतम प्रतिद्वन्दीले ५८४ मत प्राप्त गरेका छन।

प्रतिक्रिया दिनुहोस्

सम्वन्धित समाचार