अखिल (क्रान्तिकारी) का उपाध्यक्ष नरेन्द्र सी र बागमती प्रदेश संयोजक अटल सी गिरफ्तार
शोभराज बराल
काठमाडौं: नेपाल कम्युनिस्ट पार्टीले अमेरिकी सहयोग परियोजना मिलेनियम च्यालेन्ज कर्पोरेशन (एमसीसी) का उपाध्यक्षलाई कालो झण्डा देखाएको छ । अमेरिकाबाट नेपाल आएका एमसीसीका उपाध्यक्ष अल्फर्ड क्यामरुनलाई नेकपा उपत्यका ब्युरो र संयुक्त जवस मोर्चाले त्रिभूवन अन्तराष्ट्रिय विमानस्थल बाहिर कालोझण्डा देखाएका हुन् ।
बुधबार हुने एमसीसी कार्यान्वयन सम्झौतामा हस्ताक्षर गर्न उपाध्यक्ष क्यामरुन आज दिउँसो त्रिभुवन अन्तराष्ट्रिय विमानस्थलमा अवतरण गरेका थिए । एपोर्टबाट बासस्थान जाने क्रममा नेकपा नेताकार्यकर्ताले कालो भण्डा देखाएका हुन् ।
नेपाल कम्युनिस्ट पार्टीले एमसीसी फिर्ता हुनुपर्ने भन्दै विभिन्न आन्दोलनका कार्यक्रमहरु गर्दै आएको छ । सोमबार मात्रै नेकपाले बृहत अन्तरक्रिया गरेर यसलाई स्वीकार्न नसकिने सन्देश दिएको थियो भने आज एमसीसी प्रभावित क्षेत्रमा अन्तरक्रिया गरेको थियो ।
विरोध स्वरुप कालोझण्डा देखाउने क्रममा नेकपा निकट अखिल (क्रान्तिकारी) का उपाध्यक्ष नरेन्द्र सी र बागमती प्रदेश संयोजक अटल सीलाई प्रहरीले पक्राउ गरेको छ । उनीहरुलाई महानगरिय प्रहरी बृत्त गौशालामा राखिएको बुझिएको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१९ माघ २०७९ ११:०६
३१ जेष्ठ २०८० १३:२२
©Copyright©2021-2024 शहिद महान स्मृति संचार गृह प्रा.ली.
