तुलसीपुर, जेठ १९ — नेकपा (माओवादी)का प्रवक्ता खड्ग बहादुर विश्वकर्मा ले राष्ट्रिय राजनीतिमा साम्राज्यवादी प्रभाव बढ्दै गएको भन्दै नेपालमा कम्युनिस्ट आन्दोलनको पुनर्गठन आवश्यक रहेको बताएका छन्।
पश्चिम नेपालका विभिन्न कार्यक्रम सम्पन्न गरी पूर्व फर्कने क्रममा मंगलबार तुलसीपुरमा स्थानीय नेताकार्यकर्तासँग भएको अनौपचारिक छलफलमा प्रवक्ता प्रकाण्डले वर्तमान राजनीतिक परिस्थितिले क्रान्तिकारी कम्युनिस्ट शक्तिको काँधमा ऐतिहासिक जिम्मेवारी थपिएको बताए।
उनले देशमा बढ्दै गएको निराशावादलाई आशावादतर्फ, विघटनलाई संगठनतर्फ तथा विचलन र पलायनतालाई संघर्ष र रूपान्तरणतर्फ लैजानुपर्ने आवश्यकता औंल्याए।
समाजवाद र राष्ट्रिय स्वाधीनताको पक्षमा आफ्नो पार्टी दृढतापूर्वक उभिएको उल्लेख गर्दै उनले जनताको पक्षमा आधारित वैकल्पिक राजनीतिक शक्ति निर्माणको आवश्यकता रहेको धारणा राखे।
प्रकाण्डले नेपालको कम्युनिस्ट आन्दोलन विभिन्न कारणले कमजोर र विभाजित बन्दै गएको उल्लेख गर्दै अब त्यसलाई पुनर्गठन गर्ने उपयुक्त समय आएको बताए। उनले राष्ट्रिय स्वाधीनता, जनजीविकाका सवाल तथा समाजवादी रूपान्तरणका मुद्दामा सबै क्रान्तिकारी शक्तिहरू एकताबद्ध हुनुपर्नेमा जोड दिए।
छलफलमा नेकपा (माओवादी)का स्थानीय नेताहरू तथा कार्यकर्ताहरूको सहभागिता रहेको थियो। सहभागीहरूले समसामयिक राजनीतिक अवस्था, पार्टी संगठन सुदृढीकरण तथा आगामी कार्ययोजनाबारे आफ्ना धारणा राखेका थिए।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
२१ श्रावण २०८२ ०७:२२
२५ भाद्र २०७९ ०७:५०
©Copyright©2021-2026 शहिद महान स्मृति संचार गृह प्रा.ली.
