तुलसीपुर । नेपाल कपडा तथा सिलाई व्यवसायी महासंघ लुम्बिनी प्रदेश कार्यसमितिको प्रदेशस्तरीय बैठक तथा कार्यक्रमका अवसरमा दाङ जिल्ला कार्यसमितिका नवनिर्वाचित पदाधिकारी तथा सदस्यहरूले सपथ ग्रहण गरेका छन् ।
नवनिर्वाचित जिल्ला कार्यसमितिलाई नेपाल कपडा तथा सिलाई व्यवसायी महासंघका केन्द्रीय महासचिव रुपलाल परियारले पद तथा गोपनीयताको सपथ ग्रहण गराउनुभएको हो ।
सपथ ग्रहण गर्ने कार्यसमितिमा अध्यक्ष सुरेन्द्र परियार, वरिष्ठ उपाध्यक्ष इमा बुढा, उपाध्यक्ष शारदा शर्मा, सचिव हेमराज परियार, सह–सचिव पोषण रणपाल र कोषाध्यक्ष दिलबहादुर परियार रहनुभएको छ । यस्तै, अन्य निर्वाचित सदस्यहरूले समेत सपथ ग्रहण गरेका छन् ।
कार्यक्रममा व्यवसायीहरूको हकहित संरक्षण, कपडा तथा सिलाई व्यवसायको प्रवर्द्धन, व्यवसायीबीचको एकता तथा संगठनलाई थप व्यवस्थित र प्रभावकारी बनाउने विषयमा समेत छलफल भएको जनाइएको छ ।
नवनिर्वाचित कार्यसमितिले जिल्लामा रहेका कपडा तथा सिलाई व्यवसायीका समस्या पहिचान गरी समाधानका लागि सम्बन्धित निकायसँग समन्वय गर्ने तथा व्यवसायको व्यावसायिक विकास र विस्तारमा भूमिका खेल्ने प्रतिबद्धता जनाएको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
©Copyright©2021-2026 शहिद महान स्मृति संचार गृह प्रा.ली.
