असोज २४ , तुलसीपुर । नेपाल कम्युनिस्ट पार्टी बबई गाउँपालिका समितिको आयोजनामा पार्टी सदस्यहरुको प्रशिक्षण कार्यक्रम सम्पन्न भएको छ ।
बुधबार बबई गाउँपालिकाको हापुरेमा आयोजित राजनितिक तथा वैचारिक प्रशिक्षण कार्यक्रमलाई नेकपाका केन्द्रीय सदस्य एवम पार्टीका पश्चिम दाङका इन्चार्ज प्रदिप सी , पार्टीका केन्द्रीय प्रतिनिधि समितिका सदस्य एवम राप्ती ब्युरो कार्यालय सचिव विकाश सी , पार्टीका पश्चिम दाङका सचिव निर्मल सी लगाएतले प्रशिक्षण दिएका थिए ।
प्रशिक्षणको क्रममा नेकपाका नेताहरुले एमसिसी मार्फत अमेरिकी साम्राज्यवाद नेपालको दैलोमा आइपुगेकाले अबको पार्टीको योजना राष्ट्रिय स्वाधीनताको लडाइँमा केन्द्रित हुने बताएका थिए ।
राष्ट्रिय स्वाधीनता सर्वाधिक संकटमा भएकाले राष्ट्रिय मुक्ती युद्धको विकल्प नभएको प्रशिक्षणको क्रममा नेताहरुले धारणा राखेका थिए ।
प्रशिक्षण कार्यक्रममा नेकपा पश्चिम दाङ जिल्ला कमिटी सदस्य हिक्मत सी , नेकपा बबईका इन्चार्ज उज्वल सी , मगर मुक्ती मोर्चाकि केन्द्रीय सदस्य एवम एकीकृत जनक्रान्तीका सहिद क. महानकि पत्नी मालती सी लगाएतको आतिथ्य रहेको थियो ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
©Copyright©2021-2024 शहिद महान स्मृति संचार गृह प्रा.ली.
