१ पौष , काठमाडौ । जनपत्रकर संगठन नेपालको पाँचौं राष्ट्रिय सम्मेलन आगामी फागुन २८ र २९ गते हुने भएको छ ।
जनपत्रकार संगठन नेपालको मंसिर २८ र २९ गते काठमाडौमा बसेको पाँचौ पूर्ण बैठकले संगठनको पाँचौं राष्ट्रिय सम्मेलन आगामी फागुन २८ र २९ गते वागमती प्रदेशमा गर्ने निर्णय गरेको हो ।
जनत्रपकार संगठनले वागमती प्रदेशको कुनै पनि जिल्लामा सम्मेलन गर्न सक्ने भएकाले अहिले जिल्ला भने किटान नगरिएको संगठनका अध्यक्ष शेरबहादुर विश्वकर्माले जानकारी दिनु भयो ।
बैठकले आगामी माघ १५ गतेसम्म संगठनको जिल्ला तथा प्रदेशका भेला सम्मेलनहरु गरी फागुनमा भव्य रुपमा राष्ट्रिय सम्मेलन गर्ने निर्णय गरेको छ ।
बैठकले संगठनलाई व्यवस्थित तथा सुदृढ गर्ने, संगठनको केन्द्रीय तथा प्रदेशहरुका प्रकाशनहरु प्रकाशित गर्ने, पत्रकारको हकहितका लागि संघर्ष गर्ने लगायतका महत्वपूर्ण निर्णय गरेको छ ।
बैठकमा देशभरबाट सहभागी केन्द्रीय सदस्यहरुले आ–आफ्नो कार्यक्षेत्रको रिपोर्ट पेश गर्दै संगठनलाई थप सुदृढ गर्न महत्वपूर्ण सुझाव दिएका थिए । बैठकमा सहभागी नेकपा (माओवादी)का प्रवक्ता तथा प्रमुख अतिथि प्रकाण्ड सीले वर्तमान राजनीतिक अवस्था,राष्ट्रिय स्वाधीनता र संगठनले खेल्नुपर्ने भूमिकाका वारे प्रशिक्षण दिदै संगठनका आगामी कामकोबारे निर्देशन दिनु भएको थियो ।
बैठक भव्य, सभ्य र महत्वपूर्ण उपलव्धी सहित उत्साहका साथ सम्पन्न भएको छ । बैठकको अध्यक्षता संगठनका केन्द्रीय अध्यक्ष शेर बहादुर विश्वकर्माले गर्नु भएको थियो ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
२५ भाद्र २०८० १८:३०
७ श्रावण २०८० २१:२६
१३ श्रावण २०७९ ०८:४८
©Copyright©2021-2026 शहिद महान स्मृति संचार गृह प्रा.ली.
