बुटवल । जनपत्रकार संगठन नेपाल लुम्बिनी प्रदेशले नेपाल पत्रकार महासंघ लुम्बिनी प्रदेशलाई बुटवलमा ध्यानाकर्षण सहितको ज्ञापन पत्र बुझाएको छ । संगठनका प्रदेश अध्यक्ष दीपेस विष्टको नेतृत्वमा गएको टोलीले महासंघका प्रदेश महासचिव विक्रम खड्कालाई ज्ञापन पत्र बुझाएको हो । विष्टको नेतृत्वमा प्रदेश सचिव अनिल नेपाली, प्रदेश सहसचिव विहानी मगर, रुपन्देही जिल्ला संयोजक श्रीधर ज्ञवालीको सहभागिता रहेको थियो । ज्ञापनपत्रमा प्रदेशमा क्रियाशील श्रमजीवी पत्रकारहरुको न्युनतम पारिश्रमिक, पेशागत सुरक्षा र स्थायित्वसहित भौतिक सुरक्षाको प्रत्याभूत हुने खालको वातावरण निर्माणमा सम्बन्धित सरोकारवालाहरुसँग आवश्यक पहल गर्नुपर्ने, कोभिडको बेला अग्रमोर्चामा अहोरात्र खट्ने पत्रकारहरुको बीमा, जोखिम भत्ता, स्वास्थ्य उपचारको साथै कोभिडकै कारण रोजगार गुमाएका पत्रकारहरुको पुनस्र्थापना गरिदिन सरोकारवालासँग पहल गर्नुपर्ने, प्रदेशभित्र रहेका सदस्यहरुको शुद्धीकरण गरी महासंघलाई मर्यादित र जिम्मेवार बनाउँदै क्रियाशील पत्रकारहरुलाई सहज र निष्पक्ष रुपमा सदस्यता प्राप्त हुने वातावरणको सुनिश्चित गर्नुपर्ने लगयातका मागहरु रहेका छन् । संगठनले देशैभर नेपाल पत्रकार महासंघलाई मागपत्र बुझाएको हो ।
ध्यानाकर्षण पत्रको पुर्णपाठ:-
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१० चैत्र २०७८ १३:२५
३१ श्रावण २०७८ १९:५३
२ मंसिर २०८० ११:०९
©Copyright©2021-2024 शहिद महान स्मृति संचार गृह प्रा.ली.
