तुलसीपुर, २ जेठ । तुलसीपुरमा मटपेटीकलाई कडा सुरक्षा पहराका बीच राखिएको छ । बैशाख ३० गते तुलसीपुर उपमहानगरपालिकाको १८ वटा वडामा निर्वाचन सम्पन्न भएपछि स्थानिय तहको निर्वाचन अधिकृतको कार्यालय तुलसीपुरमा मतपेटिका राखिएको छ ।
मतपेटिकलाई प्रमुख राजनीतिक दलका प्रतिनिधिले राती र दिउँसोमा सुरक्षा पहरा दिने गरेका छन् भने भित्री घेरामा जनपथ प्रहरी र सशस्त्र प्रहरी र बाहिरी घेरामा नेपाली सेनाले सुरक्षा दिएको छ । निर्वाचन अधिकृतको कार्यालयमा २ सय ९ वटा मतपेटिका राखीएको छ । मत पेटिका राखिएको कोठालाई राजनीतिक दलको रोहबरमा सिल गरेर राखिएको साहयक निर्वाचन अधिकृत ढकबहादुर रावतले बताउनुभयो ।
एमालेबाट वडा अध्यक्ष पदका उम्मेदवार लबरु चौधरीको निधन भएपछि तुलसीपुर उपमहागनरपालिका–१७ मा निर्वाचन स्थगन गरिएका कारण अन्य वडामा निर्वाचन सम्पन्न भएपनि मतगणना रोकिएको हो ।
१७ नम्बर वडामा जेठ ३ गते मंगलबार निर्वाचन हुँदै छ । १७ नम्बर वडामा निर्वाचन सम्पन्न भएलगत्तै मंगबार राति देखि मतणना हुने साहयक अधिकृत रावतले बताउनुभयो । मतगणना १ नम्बर वडाबाट सुरु गरिने छ । मतगणनालाई छिटो छरितो रुपमा सम्पन्न गर्न एकै पटक तीन वडाको मतगणना गरिने साहयक निर्वाचन अधिकृत रावतले बताउनुभयो ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
©Copyright©2021-2024 शहिद महान स्मृति संचार गृह प्रा.ली.
