कार्तिक १५ , तुलसीपुर। नेपाल कम्युनिस्ट पार्टी तुलसीपुर उपमहानगर कमिटीको दोस्रो बैठक सम्पन्न भएको छ।
मंगलबार तुलसीपुरमा सम्पन्न बैठकले आसन्न मंसिर ४ गतेको प्रतिनिधि तथा प्रदेश सभा निर्वाचन खारेज गर्ने निर्णय गरेको छ।
बैठकले नियमित रुपमा संसदीय चुनावको भण्डाफोर गर्ने,वालिङ,पर्चा वितरण,घरदैलो कार्यक्रम,चोक सभा,गाउँ सभा , पिढी सभा , मसाल जुलुस , जनतालाइ खारेजी अभियानमा गोलबन्द गर्दै कथित संसदीय चुनाव खारेज गर्ने निर्णय गरेको नेकपा तुलसीपुर उपमहानगर कमिटीले जनाएको छ ।
नेकपाका पोलिट्ब्युरो सदस्य शितल सीको प्रमुख आतिथ्य सम्पन्न बैठकमा पार्टीका तुलसीपुर उपमहानगर कमिटीका इन्चार्ज विकाश सी , राष्ट्रिय कर्मचारी संगठनका केन्द्रिय सदस्य नर बहादुर सी , गणतान्त्रिक खेलकुद महासंघक केन्द्रीय सदस्य रुद्र सी , अखिल नेपाल क्रान्तिकारी ट्रेड युनियन महासंघक केन्द्रीय सदस्य संजय सी , युवा संगठन नेपालका केन्द्रीय सदस्य जिवनी सी , सहिद वेपत्ता परिवार समाजका केन्द्रीय सदस्य धर्ती सी , पार्टीका जिल्ला सल्लाहकार वंशिधर सी , पार्टीका जिल्ला कमिटी सदस्यहरु शिव , भरत , सुदर्शन र खड्ग लगाएतको आतिथ्य रहेको थियो ।
बैठकमा नेकपाका पोलिट्ब्युरो सदस्य शितल सी , अखिल नेपाल क्रान्तिकारी ट्रेड युनियन महासंघका केन्द्रीय सदस्य संजय , पार्टीका तुलसीपुर उपमहानगर कमिटीका इन्चार्ज विकाश सी , राष्ट्रिय कर्मचारी महासंघका केन्द्रीय सदस्य नर बहादुर सीले मन्तव्य व्यक्त गरेका थिए ।
नेकपा तुलसीपुर उपमहानगर कमिटीका इन्चार्ज विकाश सीको अध्यक्षतामा बसेको बैठकको संचालन उपमहानगर कमिटीका सेक्रेटरी बिजय सीले गर्नुभएको थियो ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
५ आश्विन २०७९ १७:३५
१४ भाद्र २०८१ १६:५१
९ आश्विन २०८१ १२:४९
२ श्रावण २०७९ १९:५९
©Copyright©2021-2025 शहिद महान स्मृति संचार गृह प्रा.ली.
