नेकपा माओवादी केन्द्रका महासचिव देव गुरुङले हालै सम्पन्न चुनावमा विदेशी शक्तिकेन्द्रहरु सक्रिए रहेको बताएका छन् । विहीबार विहान रेडियो मिर्मिरेसँगको कुराकानीको क्रममा गुरुङले राष्ट्रियता तथा जनजीविकाका सवाल सबैभन्दा बढी उठाएकोले विदेशी शक्तिहरु यो चुनावमा खुलेर माओवादी केन्द्रका विरुद्ध उभिएको बताए ।
गुरुङले लोकतन्त्रमा दलको जन्म हुनु स्वाभाविक भएपनि अहिले अस्वाभाविक रुपमा केही दल उदायको बताए । उनले संसदभित्र रहेका दल र नेताहरुमा जो अलि राष्ट्रवादी छ, त्यसविरुद्ध नयाँ पत्रको नाममा विभिन्न चलखेल भएको बताए ।
माओवादी केन्द्रको अलि बाक्लो मत भएको स्थानमा जिते पनि गठबन्धनको मतमा भर पर्नुपर्ने क्षेत्रमा माओवादी उम्मेदवरा विजयी हुन नसकेको बताए । उनले गठबन्धनले माथिबाट दिएको निर्देशन अनुसार स्थानीय तहमा इमान्दारिता नभएको समेत बताए ।
महासचिव गुरुङले चुनावी परिणाम जस्तो आएपनि अब दलहरुबीच सहकार्य र समझदारी हुनुपर्ने बताए । उनले दलहरु विभाजित र विखण्डन भए विदेशी शक्तिको चलखेल र स्वार्थ पनि बढ्ने बताए । दलहरुले एक अर्कालाई निषेध गरे विदेशी शक्तिले फाइदा उठाउने भन्दै गुरुङले चुनावको बेलाको अवस्थालाई भुलेर दलहरु अघि बढ्नु पर्ने बताए ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
©Copyright©2021-2024 शहिद महान स्मृति संचार गृह प्रा.ली.