प्रचण्ड प्रधानमन्त्री बने तर माओको सिद्धान्त बिर्सिए : विप्लव
कपिलवस्तु : प्रधानमन्त्री पुष्पकमल दाहाल प्रचण्डले पद तथा गोपनीयताको शपथ लिएका छन् । उनले शीतल निवासमा राष्ट्रपति विद्यादेवी भण्डारीबाट शपथ लिएका हुन् ।
सोमबार नै ३ जना उपप्रधानमन्त्री र ४ जना मन्त्रीहरुले पनि शपथ लिएका छन् ।
यता नेपाल कम्युनिस्ट पार्टीका महासचिव विप्लवले कपिलवस्तुको शिवगढीमा जनक्रान्तिको सपथ लिएका छन । पार्टी केन्द्रीय कार्यालयद्वारा शिवगढिमा आयोजित १३०औ माओ दिवसलाइ सम्बोधन गर्दै महासचिव विप्लवले जुनसुकै मूल्य चुकाएर भएपनी जनक्रान्ती सफल गरेरै छाड्ने उद्घोष गरेका हुन ।
नेपाल कम्युनिष्ट पार्टीका महासचिव विप्लवले प्रचण्डले माओवाद सिद्धान्त बिर्सिएको समेत बताएका छन् । महासचिव विप्लवले आज प्रधानमन्त्री पदको सपथ लिएका प्रचण्डले माओवादलाई कहिल्यै आत्मसात नगरेको बताए । महासचिव विप्लवले एमाले अध्यक्ष ओली र प्रधानमन्त्री प्रचण्ड एकै प्रवृतिको भएको दुवै सत्तालिप्त नेता भएको दाबी गरे ।
नेपाल कम्युनिष्ट पार्टी केन्द्रिय कार्यालय कपिलवस्तुले शिवगढिमा आयोजित १३० औँ माओ दिवसलाई सम्बोधन गर्दै महासचिव विप्लवले नेपालमा एकीकृत जनक्रान्ति गर्न सबै कम्युनिष्ट एकजुट हुन आग्रह गरे ।
सोही कार्यक्रमलाई सम्बोधन गर्दै महासचिव विप्लवले काठमाडौँ महानगरका मेयर बालेन शाहले सुकुम्बासीलाई दु:ख दिएकाले बालेन विरुद्ध सडकमा उत्रिन निर्देशन दिए ।
नेपाल कम्युनिस्ट पार्टी अध्यक्ष ऋषि कट्टेलले माओलाई हरेक दिन सम्झाना गर्नुपर्ने बताए । माओत्सेतुङ्गले चिनियाँ क्रान्तिबाट ल्याएको परिवर्तन जस्तै नेपालमा माओको विचार मान्नेहरु अब क्रान्तिको पक्षमा लाग्नु पर्ने अध्यक्ष कट्टेलले बताए । उत्पीडित समुदायलाई राज्यसत्तामा पुर्याइ उनीहरुको स्तर अघि बढाउन माओका विचार अनुसार लाग्नुपर्नेमा जाेड दिए । नेपालमा क्रान्तिको मोडल परिवर्तन गरी सबै कम्युनिस्ट एकजुट हुनु पर्नेमा जोड समेत दिए ।
कार्यक्रममा वैज्ञनिक समाजवादी पार्टी महासचिव विश्वभक्त दुलाल (आहुती) ले नेपालका कम्युनिष्टहरु चिनिया जस्तै अग्रसर हुनुपर्ने बताए । चीनियाहरु क्रान्तिबाट सफल भएकाले नेपालका सबै मजदुर, किसानहरु क्रान्तिको नेतृत्व गर्नुपर्ने जानकारी दिए । माओका तीन हतियार जस्तै पार्टी, सेना र संयुक्त मोर्चा अनुसार हामी नेपाली कम्युनिस्टहरु अघि बढ्नु पर्ने आहुतीले बताए । क्रान्ति सफल बनाउनका लागि सबै उत्पीडित समुदाय एक जुट हुनुपर्नेममा जाेड दिए ।
नेकपा समाजवादी माओवादी केन्द्र अध्यक्ष कर्णजित बुढाथोकी (सुशिल) ले प्रचण्डले क्रान्तिको बाटो बिर्सेको बताए । प्रचण्डको सत्तालिप्त अभ्यासले माओवादी बदनाम भएको बताए । अबको यात्रामा माओवादीहरु नयाँ रणनीति अनुसार अघि बढ्नु पर्ने सुशिलले जाेड दिए ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
२७ बैशाख २०८० ०७:४१
१२ चैत्र २०७९ २२:३७
१६ चैत्र २०७९ १३:०२
७ श्रावण २०७९ ०६:५६
©Copyright©2021-2024 शहिद महान स्मृति संचार गृह प्रा.ली.
