घोराही, १ चैत । दाङको घोराहीमा रहेको शिक्षा क्याम्पसको स्ववियु सभापतिमा अखिल (क्रान्तिकारी) विप्लवका नवीन केसी निर्विरोध निर्वाचित भएका छन् ।
दाङमा क्रियाशील विद्यार्थी संगठनहरुको सहमतिमा केसी क्याम्पसको स्ववियु सभापतिमा निर्विरोध निर्वाचित भएका हुन् ।
जसको उपसभापतिमा अनेरास्ववियुका टीका कालाथोकी, सचिवमा प्रजातान्त्रिकका सरिता पोख्रेल भण्डारी, सह- सचिवमा अखिल (क्रान्तिकारी) का सरिता सेर्पाइली र कोषाध्यक्षमा नेविसंघका गणेशमान डाँगी निर्वाचित भएका छन् भने सदस्यहरुमा अनेरास्ववियुका सर्मिला डाँगी, अखिल (क्रान्तिकारी) का मन्जु घर्तीमगर, अखिल (क्रान्तिकारी) विप्लवका समीर डाँगी, प्रजातान्त्रिक यशोदा डाँगी, अखिल छैठौंका सुनिता आचार्य र नेविसंघका शिशिर डाँगी निर्वाचित भएका हुन् ।
विद्यार्थी संगठनहरुको सहमतिमा क्याम्पसले मंगलबार स्ववियु कार्यसमिति निर्वाचित भएको घोषणा गरेको हो ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
©Copyright©2021-2024 शहिद महान स्मृति संचार गृह प्रा.ली.