१४ औं संस्करणको साफ च्याम्पियनसिप फुटबलमा आज नेपाल र भारत भिड्दै

डेली न्युजराप्ती       ९ असार २०८० १२:०७ मा प्रकाशित     134 No Comments

९ असार / नेपालले आज घरेलु टोली भारतसँग १४ औं संस्करणको साफ च्याम्पियनसिपमा प्रतिस्पर्धा गर्दै छ । बैंग्लोरमा जारी प्रतियोगिता अन्तर्गत नेपाल र भारतबीचको खेल राति पौने ८ बजे सुरुहुने छ ।

पहिलो खेलमा कुवेतसँग पराजित भएको नेपाल भारतविरुद्ध पुरानो खेललाई विर्सिएर नयाँ तरिकाले अघि बढ्ने लक्ष्यमा रहने छ ।
गत संस्करणमा नेपाल र भारत उपाधिका लागि उत्रिएका थिए । जसमा भारतले उपाधि जित्दा नेपाल उप विजेता भएको थियो ।

साफ फुटबलमा नेपालले हासिल गरेकै अहिलेसम्मको ठूलो उपलव्धि त्यही हो ।पहिलो खेलमै कुवेतसँग पराजित भएको नेपाल सेमिफाइनल प्रवेशका लागि भारतविरुद्ध जित निकाल्नै पर्ने दबाबमा रहेको छ ।

भारतले भने पहिलो खेलमै पाकिस्तानविरुद्ध जित निकालेको थियो ।नेपाल र भारतबीच अहिलेसम्म २३ खेल हुँदा भारतले १६ खेलमा बाजी मारेको छ ।

नेपालले २ पटक मात्रै जित निकाल्न सकेको छ भने ५ खेल बारबरीमा टुंग्गिएका छन् । साफ च्याम्पियनसिप अन्तर्गत आज नै पाकिस्तान र कुवेत आमने सामने हुने छन् । यो खेल भने दिउँसो पौने ४ बजे सुरुहुने छ ।

प्रतिक्रिया दिनुहोस्

सम्वन्धित समाचार