गणेश एसके
कञ्चनपुर: नेपाल कम्युनिस्टमा विभिन्न पार्टी परित्याग गरी दर्जनाैं मान्छे प्रवेश गरेका छन् ।
आइतबार नेकपा कञ्चनपुर जिल्ला समितिद्वारा आयोजित संगठन विस्तार तथा ध्रुवीकरण अभियान अन्तर्गत जिल्लाको कृष्णपुर नगरपालिकामा नेताहरुले पार्टीमा प्रवेश गरेको नेकपाले बताएको छ ।
नेकपा एमालेबाट राजाराम रानाको नेतृत्वमा १ दर्जन बढी, नेपाली कांग्रेसबाट घुम्मन् चौधरीको नेतृत्वमा झण्डै १ दर्जन र नेकपा माओवादी केन्द्रबाट मान बहादुर विकको नेतृत्वमा ५ दर्जन बढी नगर र वडा स्तरीय नेता कार्यकर्ताले पार्टीमा समाहित भएको नेकपा कञ्चनपुर जिल्ला इन्चार्ज विराट सीले बताए ।
कार्यक्रममा प्रमुख अतिथिका रूपमा सहभागी इन्चार्ज विराटले पार्टीले कुनै पनि हालतमा संसदीय व्यवस्था स्वीकार गरेर नजाने बताएका छन् । ध्रुविकरण कार्यक्रमलाई सम्बोधन गर्दै नेकपा नेता विराटले वर्तमान संसदीय व्यवस्था पूर्ण रुपमा असफल भएको यसको समाधान जनताको नेतृत्व गर्ने सत्ता वैज्ञानिक समाजवाद रहेको उनको दाबी छ ।
ध्रुविकरण कार्यक्रममा नेकपा महाकाली ब्युरो सचिव वीरेन्द्र सी, नेकपा कञ्चनपुर सचिव दिवार सी लगायतको जिल्ला नेताकार्यकर्ता र जवसका नेताहरूको सहभागिता रहेको जनाइएको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१७ मंसिर २०७८ ११:०५
२७ भाद्र २०७९ १७:२७
१४ बैशाख २०८० १८:१६
©Copyright©2021-2025 शहिद महान स्मृति संचार गृह प्रा.ली.
