जेठ १५ , तुलसीपुर ।
नेपाल कम्युनिस्ट पार्टी निकट युवा संगठन नेपाल दाङले सी जातीको कानुनी मान्यताका लागि हस्ताक्षर संकलन सुरु गरेको छ ।
संगठनको केन्द्रीय कार्यक्रम अनुसार संगठनको जिल्ला समिती दाङले सोमबार जिल्लाको तुलसीपुर , घोराही लगाएतका क्षेत्रमा हस्ताक्षर संकलन सुरु गरेको हो ।
युवा संगठन नेपालले सी जातीबाट नागरिकता बनाउन पाउनुपर्ने वा कानुनी मान्यता दिनुपर्ने माग राख्दै आएको छ ।
नेपाल कम्युनिस्ट पार्टीले पार्टीको नवौं महाधिवेशनबाट सी जातीको अवधारणा सहित अहिले देशैभरीका नेताकार्यकर्ताले लागू समेत गरिरहेका छन् ।
कम्युनिस्टहरुले अन्तर्राष्ट्रिय जातीको कुरा मात्रै गर्ने तर अहिलेसम्म मानव समाजलाई एउटा समान , साम्यवादी , कम्युनिस्ट जाती दिन नसकेको भन्दै सी जाती बनाएको बताउने गरेको छ ।
नेकपाका अनुसार सी जाती भनेको मानव समाजको समान , कम्युनिस्ट , साम्यवादी जाती हो ।
युवा संगठन नेपाल दाङले सोमबारदेखि सुरु गरेको हस्ताक्षर संकलन अभियानमा जिल्लाका सयौं नागरिकले हस्ताक्षर गरेका छन् ।
तुलसीपुरमा हस्ताक्षर संकलन अभियानको उद्घाटन पार्टीका केन्द्रीय सदस्य एवम दाङ जिल्ला इन्चार्ज सविन सी , पार्टीका केन्द्रीय सदस्य एवम दाङ क्षेत्र नं. ३ इन्चार्ज प्रदिप सी , पार्टीका जिल्ला सेक्रेटरी तिलक सी लगाएतका नेताहरुले गर्नुभएको जनाएको छ ।
यस्तै युवा संगठन नेपाल दाङले घोराही बजारमा सुरु गरेको हस्ताक्षर संकलन अभियानको उद्घाटन पार्टीका केन्द्रीय सदस्य एवम दाङ २ नं.क्षेत्र इन्चार्ज पाटन जंगली सी , पार्टीका घोराही नगर इन्चार्ज विकाश सी लगाएतका नेताहरुले गर्नुभएको थियो ।
जिल्लाभरी संकलन गरिएको हस्ताक्षर प्रधानमन्त्री पुष्पकमल दाहाल (प्रचण्ड)लाई बुझाइने कार्यक्रम रहेको युवा संगठन नेपालले जनाएको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१८ माघ २०८१ ०८:१४
६ श्रावण २०७९ ०८:४०
२६ कार्तिक २०७९ ०७:३९
२७ बैशाख २०८० ०७:४१
©Copyright©2021-2025 शहिद महान स्मृति संचार गृह प्रा.ली.
