क्रान्तिकारी पार्टीमा भएपछि मृत्यु पनि सन्ताेषजनक हुनेछ भन्दै जनयुद्धकि नायक शिला नेकपा प्रवेश

भदौ १०,काठमाडौ। सहिद अजवलाल यादवकी जीवनसाथी पूर्व सांसदसमेत रहेकी कमरेड शिला साेमबार बिहान विप्लव नेतृत्वको नेपाल कम्युनिस्ट पार्टीमा प्रवेश गरेकी छन् ।
शिला नेकपा (एमाले)की केन्द्रीय सदस्यसमेत रहेकी थिइन् । साेमबार बिहान नेकपा महासचिव विप्लवले आफ्नाे निवास हरिसिद्धीमा उनलाई पार्टीमा स्वागत गरेका हुन् ।

ध्रुवीकरण मन्तव्य राख्दै ‘एमाले पार्टीमा सहिदको अपमान भएपछि राजिनामा दिएर बसेकी थिएँ । अब क्रान्तिकारी पार्टीमा भएपछि मृत्यु पनि सन्ताेषजनक हुनेछ’ भनिन् ।
मन्तव्यकाे क्रममा उनको आँखामा पीडा र गर्वका आँशु छचल्किदा वातावरण भावनामय भएको थियो ।

कार्यक्रममा नेकपाका स्थायी समिति सदस्य अनिल सी,
केन्द्रीय सदस्य पवन सी, धनुषा जिल्लाका पूर्व सचिव दिनेश सीलगायत नेताहरूको उपस्थिति थियो ।