फागुन २,दाङ । नेपाल कम्युनिष्ट पार्टीका महासचिव विप्लव सी रोल्पा जाने भएका छन् ।
रोल्पाको परिवर्तन गाउपालिका बागमारामा निर्माण गरिएको रोल्पा नमुना क्याम्पसको उद्घाटन गर्न फागुन ३ गते रोल्पा जान लागेको नेपाल कम्युनिस्ट पार्टीका रोल्पा जिल्ला सेक्रेटरी पृथ्वी सीले जानकारी दिए । पृथ्वी सीले उक्त उद्घाटन समारोहमा उपस्थितिका लागि शिक्षक, बुद्धिजीवी, राजनीतिक दल र समुदायलाई अनुरोध गरेका छन् ।
उक्त नमुना क्याम्पस जनस्तरबाट संचालित भएको जनाईएको छ ।
फागुन ५ गते गंगादेव जाने
त्यसैगरि फागुन ५ गते महासचिव विप्लव सीले गंगादेव गाउँपालिका २ सुखाओढारमा हुने जनसभालाई सम्बोधन गर्ने कार्यक्रम रहेको नेकपाका केन्द्रिय सदस्य तथा गंगादेव गाउँसमिति इन्चार्ज आक्रोश सीले जानकारी दिए। उनका अनुसार विहान ७:३० देखि ८:३० सम्म शिक्षकसंग र ८:३० देखि ९:३० सम्म पालिकाका कर्मचारीहरुसंग विप्लवले अन्तरक्रिया गर्ने कार्यक्रम रहेको छ भने १०:०० बजे देखि ३:०० बजेसम्म जनसभा हुने भएको छ ।
जनसभामा सामाना सांस्कृतिक परिवार गंगादेवको प्रस्तुतिका साथै विभिन्न आमा समुह र लहरे समूहरुको झाँकी प्रस्तुत हुने नेकपाले जनाएको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१३ असार २०७९ १३:५७
३० जेष्ठ २०८० १८:३२
७ कार्तिक २०८१ १०:०८
१० असार २०८० १८:३४
©Copyright©2021-2025 शहिद महान स्मृति संचार गृह प्रा.ली.
