काठमाडौँ । नेपाल कम्युनिष्ट पार्टीले एमसीसी घातक परियोजना भएको भन्दै साउन ३० गते देशका मुख्य सहरमा एमसीसी विरुद्ध जनप्रर्दशनको आह्वान गरेको छ।
नेकपाको एमसीसी सरोकार समितिका संयोजक भरत सीले सोमबार एक प्रेस विज्ञप्ति जारी गर्दै घातक एमसीसी विरुद्ध साउन ३० गते मुख्य सहरमा हुने जनप्रर्दशन सफल पार्न सबैमा आह्वान गरेका छन् ।
नेकपाले अमेरिकाले केही महिना अगाडि स्थगित गरेको एमसीसी परियोजना नेपालमा पुनः सुरु गर्ने निर्णय गरेकोमा गम्भीर बनाएको भन्दै अमेरिकी साम्राज्यवादी गलत नीति र निर्णयको विरोध गर्दछौं भनेको छ ।
‘एमसीसी विरुद्ध नेकपासँगै स्वाभिमानी नेपाली जनता आन्दोलनरत छन् । परिमार्जन विना जबरजस्ती पुनः एमसीसी लाद्नु घातक छ’ नेकपाले जारी विज्ञप्तिमा भनेको छ, ‘एमसीसी विरुद्धको न्यायोचित देशभक्तिपूर्ण जनसंघर्ष अघि बढाउन र सफल पार्न सम्पूर्ण देशभक्त, वामपन्थी – कम्युनिस्ट, समाजवादी र गणतन्त्रवादी शक्तिलाई हार्दिक अनुरोध गर्दछौं ।’
नेकपाले एमसीसी रहेसम्म यसका विरुद्धको देशभक्त जनताको संघर्ष जारी रहने चेतावनी दिएको छ । नेकपाले साउन ३० गते हुने एमसीसी विरुद्धमा देशका मुख्य शहरमा हुने जनप्रर्दशन सफल पार्न सम्पूर्ण सचेत नागरिकलाई विशेष अपिल समेत गरेको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१६ आश्विन २०७८ २०:५१
२० श्रावण २०७८ २०:१४
१४ बैशाख २०८० १८:२४
©Copyright©2021-2025 शहिद महान स्मृति संचार गृह प्रा.ली.
