दाङ। दाङ–१ मा यसपटकको निर्वाचन रोचक मोडमा पुगेको छ। पहिलोपटक प्रतिनिधि सभा सदस्यका लागि चुनावी मैदानमा उत्रिएका भ्रष्टाचार विरोधी अभियानका अभियन्ता प्रकाश शाहीको पक्षमा माहोल बन्दै गएको स्थानीय विश्लेषकहरूको भनाइ छ।
राजनीतिशास्त्रमा स्नातकोत्तर उत्तीर्ण शाहीले विगत केही वर्षदेखि अनियमितता, कुशासन र भ्रष्टाचारविरुद्ध निरन्तर अभियान चलाउँदै आएका थिए। सोही पृष्ठभूमिका कारण उनलाई “साफ छवि र स्पष्ट एजेन्डा बोकेको उम्मेदवार”का रूपमा मतदाताले हेरिरहेका छन्। उनका समर्थकहरूका अनुसार दाङ–१ मा परम्परागत दलप्रति असन्तुष्टि बढ्दै जाँदा नयाँ विकल्पका रूपमा शाही स्थापित भइरहेका छन्।
घरदैलो अभियानका क्रममा शाहीले सुशासन, पारदर्शिता, युवालाई रोजगारी, शिक्षा र स्वास्थ्य क्षेत्रको सुधारलाई मुख्य एजेन्डा बनाएका छन्। “राजनीति सेवा र उत्तरदायित्वका लागि हुनुपर्छ,” भन्ने उनको अभिव्यक्ति मतदातामाझ लोकप्रिय बन्दै गएको बताइन्छ।
स्थानीय तहमा गरिएको छलफल, अन्तरक्रिया र सार्वजनिक सभाहरूमा उल्लेख्य सहभागिता देखिनु पनि उनको पक्षमा सकारात्मक संकेतका रूपमा लिइएको छ। विशेषगरी युवा पुस्ता र पहिलोपटक मतदान गर्न लागेका मतदाताको झुकाव शाहीतर्फ देखिएको अभियान स्रोतले दाबी गरेको छ।
यस क्षेत्रका प्रमुख प्रतिस्पर्धी दलहरू—नेपाली कांग्रेस, नेकपा (एमाले) र नेपाल कम्युनिस्ट पार्टी—का उम्मेदवारहरू यसअघिका निर्वाचनमा बलिया मानिँदै आएका थिए। तर यसपटक मतदाताको मनोविज्ञान परिवर्तनतर्फ उन्मुख देखिएकाले ती दलहरू दबाबमा परेको राजनीतिक वृत्तमा चर्चा छ।
शाहीको चुनाव चिन्ह “गुलाबको फूल” रहेको छ। उनका समर्थकहरूले “यसपालि दाङ–१ मा गुलाब फुल्नेछ” भन्ने नारासहित प्रचार अभियान तीव्र बनाएका छन्।
चुनावी माहोल हेर्दा दाङ–१ मा परम्परागत दलहरूलाई चुनौती दिँदै प्रकाश शाही अग्रस्थानमा देखिएको विश्लेषण भइरहेको छ। यद्यपि अन्तिम निर्णय भने मतपेटिकाबाट आउने परिणामले नै स्पष्ट पार्नेछ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
२९ फाल्गुन २०७८ ०८:०७
२२ जेष्ठ २०८० १९:४२
©Copyright©2021-2026 शहिद महान स्मृति संचार गृह प्रा.ली.
