माघ ३,सल्यान। सल्यानमा श्रीमतीसँग झगडा हुँदा श्रीमानले रिसको झोकमा गाई र गोरुलाई मारेका छन।
जिल्लाको कपुरकोट गाउँपालिका वडा नम्बर ५ सिस्नेरी स्थित ३६ वर्षीय शेर बहादुर महतराले श्रीमती सँग झगडा हुँदा गाई र गोरुको कोदालोले हानेर हत्या गरेकोे इलाका प्रहरी कार्यालय लुहामले जनाएको छ ।
“शनिबार साँझ श्रीमती सँग झगडा परेछ”, इलाका प्रहरी कार्यालय लुहामका प्रमुख इनिस्पेक्टर श्याम प्रकाश यादवले भने, “त्यसपछि रिसको झोकमा गएर गोठमा बाँधेका एउटा गाई र एउटा गोरुको कोदालोले टाउकोमा हानेर मारेछ ।” गाई र गोरुको हत्या गरेर आइतबार बिहान भीर बाट खसाएर फाल्न लागेको भन्ने गोप्य सुचना आएपछि महतरालाई पक्राउ गरेर ल्याइएको उनले बताए ।
श्रीमान श्रीमती बीच के विषयमा झगडा भएको हो भन्नेबारे नखुलेको प्रहरीले जनाएको छ । तर उनिहरुबीच पहिले देखि नै झगडा पर्ने गरेको स्थानीयहरु बताउँछन।
अभियुक्त महरालाई जिल्ला अदालत सल्यानबाट म्याद थप गरेर थप अनुसन्धानका लागि इलाका प्रहरी कार्यालय लुहाममा राखिएको छ । उनलाई प्रहरीले पशु चौपाया हत्या गरेको कसुरमा मुद्दा चलाउने जनाएको छ।
साभार: लेकाली अनलाइनबाट
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
३० जेष्ठ २०८० ११:४०
३० बैशाख २०८० १२:२०
१७ माघ २०८० १८:४९
२४ बैशाख २०८० १७:३३
©Copyright©2021-2024 शहिद महान स्मृति संचार गृह प्रा.ली.
