दाङ तुलसीपुर-सल्यान सडक दैनिक ७ घण्टा सवारी आवगमन बन्द हुने

डेली न्युजराप्ती       १४ माघ २०७८ १४:२५ मा प्रकाशित     355 No Comments


तुलसीपुर,१४ माघ । राप्ती राजमार्ग अन्तर्गत दाङ तुलसीपुर देखी सल्यान कपुरकोट सडकखण्ड दैनिक सात घण्टा सवारीआवगमन बन्द हुने भएको छ । सडक डिभिजन कार्यालय दाङका अनुसार सल्यान कपुरकोट देखी चोरखोला सम्म सडक स्तरोन्नती गर्नका लागी माघ १६ गतेदेखी २५ गते सम्म दैनिक सवारी आवगमन बन्द गर्न लागीएको हो । यस अघि पनि पटकपटक सवारी आवगमन बन्द गरी सडक स्तरोन्नतीको काम भएकोमा फेरी समय थप गरी काम गर्नुपर्ने अवस्था भएको कार्यालयले जानकारी दिएको छ ।
निमित्त डिभिजन प्रमुख ईन्जिनियर रिकेश महर्जनले जिल्ला प्रशासन कार्यालय सल्यानलाई पत्राचार गर्दै सवारी आवगमन बन्द गर्नका लागी आबश्यक सहयोग गरीदिन आग्रह गर्नुभएको छ । उक्त सडकखण्ड दैनिक विहान ७ बजेदेखी ९ बजे सम्म र विहान एघार बजेदेखी दिउँसो ४ बजे सम्म सवारीआवगमनमा रोक लगाईएको छ । उक्त समय अवधीभर कपुरकोट पैयाखोरे बैकल्पिक सडकमार्ग प्रयोग गर्न सकिने जानकारी दिईएको छ ।

प्रतिक्रिया दिनुहोस्

सम्वन्धित समाचार