दाङ। नेकपाका महासचिव विप्लव नेमकिपाका अध्यक्ष नारायणमान विजुक्छेबीच भेटघाट भएको छ । एमसीसी संसदबाट पास भएपछि नेकपा महासचिव विप्लवले राजधानीमा विभिन्न दलका शीर्ष नेताहरुसित भेटघाट गर्नुभएको छ । भेटघाटमा नेकपा प्रवक्ता प्रकाण्ड, नेमकिपाका नेता प्रेम सुवालको समेत सहभागिता रहेको छ । भेटघाटमा एमसीसी विरुद्ध संघर्षमा सबै देशभक्त, सच्चा लोकतन्त्रवादी, प्रगतिशील, वामपन्थी एवं कम्युनिस्टहरुले संयुक्त संघर्षमा गर्न आवश्यक रहेको बेला महासचिव विप्लवले राष्ट्रियताका पक्षधर विभिन्न दलका शीर्ष नेताहरुसित भेटघाटलाई तीव्रता दिनुभएको हो । आजै विहान विप्लव र नेकपा माओवादी केन्द्रका नेता नारायणकाजी श्रेष्ठसित भेटघाट भएको थियो । महासचिव विप्लवले अन्य दलका शीर्ष नेताहरुलाई पनि भेट्ने कार्यक्रम रहेको बताइएको छ। नेमकिपाले संसदमा एमसीसीको विरोध गर्दै आएको छ भने नेकपासहित ८ दलले सडकमा संयुक्त संघर्ष गर्दै आएको छ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
८ चैत्र २०७९ ०७:२०
१५ बैशाख २०७९ १३:२३
२७ आश्विन २०७८ ०८:१८
२६ आश्विन २०७८ ०९:५५
©Copyright©2021-2024 शहिद महान स्मृति संचार गृह प्रा.ली.
