जेठ ५,दाङ। घोराही उपमहानगरपालिकाको मेयर र उपमेयरमा नेकपा एमाले विजयी भएको छ । गएराती अवेर सकिएको अन्तिम मतगणनाको मतपरिणाम अनुसार मेयरमा एमालेका नरुलाल चौधरी निर्वाचित हुनु भएको छ । चौधरीले ५३६० मतान्तरले गठबन्धनका उमेदवारलाई पराजित गर्नुभएको हो । चौधरी ३१७२८ मत प्राप्त गरी विजयी हुनु भएको हो भने उहाका प्रतिष्प्रर्धी गठबन्धनका तर्फबाट माओवादी केन्द्रका हेमराज शर्माले २६३६८ मत प्राप्त गर्नुभएको मुख्य निर्वाचन अधिकृतको कार्यालय घोराहीले जनाएको छ । उपमेयरमा एमालेका हुमा डिसी निर्वाचित हुनु भएको छ ।
डिसीले ३०४०३ मत प्राप्त गरी निर्वाचित हुनु भएको हो भने गठबन्धनका तर्फबाट कांग्रेसका भुप बहादुर डाँगीले ३०३५४ मत प्राप्त गर्नुभएको मुख्य निर्वाचन अधिकृत रितेन्द्र थापाले जानकारी दिनुभयो । चौधरी यस अघि २०७४ सालको स्थानिय तहको निर्वाचनमा एमालेबाट मेयरमा निर्वाचित हुनु भएको थियो भने उपमेयरमा पराजित कांग्रेसका डाँगीले २०७४ सालको स्थानिय तहको निर्वाचनमा मेयर पदमा चौधरी संग पराजित हुनु भएको थियो ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१३ चैत्र २०७८ १३:३९
९ माघ २०७८ १९:५४
©Copyright©2021-2024 शहिद महान स्मृति संचार गृह प्रा.ली.
