पुरुष भलिबलको उपाधि तुलसीपुरको ज्ञान ज्योतीलाई

डेली न्युजराप्ती       १४ श्रावण २०७९ २०:३३ मा प्रकाशित     274 No Comments


तुलसिपुर, १४ साउन । दाङको तुलसिपुरमा सम्पन्न अन्तर कलेज पुरुष भलिबल प्रतियोगिता २०७९ को उपाधि ज्ञान ज्योती कलेज तुलसिपुरले जितेको छ । राप्ती किङ भलिबल प्रशिक्षण केन्द्र तुलसिपुर दाङको आयोजना तथा दाङ जिल्ला भलिबल संघको समन्वयमा संचालित प्रतियोगिताको आज सनिवार उल्लेख्य दर्शकको उपस्थितिमा भएको कडा प्रतिस्पर्धा अनि रोमाञ्चक फाइनल खेलमा न्यु होराईजन बोर्डिङ स्कुल बुटवल रुपन्देही लाई १८–२५,२९–२७,१६–२५,२७–२५ र १५–१० अर्थात ३–२ को सेटमा पराजित गर्दै ज्ञान ज्योती कलेजले उपाधी जितेको हो ।

उपाधी संगै उसले नगद एक लाख एक हजार एक सय एघार रुपैया, कप, मेडल, प्रमाणपत्र हात पा¥यो । फाईनलमा सम्मानजक हार ब्यहोरेको न्यु होराईजन उपविजेतामा सिमित रहदै नगद पचास हजार एक सय एघार रुपैया,मेडल प्रमाणपत्रमा चित्त बुझाउन बाध्य भयो । त्यस्तै प्रतियोगितामा मुसिकोट बहुमुखी क्याम्पस खलंगा रुकुम पश्चिम तृतीय भयो ।उसले नगद पच्चीस हजार एक सय एघार रुपैया हात पा¥यो ।

प्रतियोगितामा ब्यक्तिगत बिधा तर्फ सर्बोउत्कृष्ट खेलाडी न्यु होराईजन बोर्डिङ स्कुल बुटवल रुपन्देहिका बबिन थापा भए । उनले नगद पाच हजार,ट्रफी,मेडल र प्रमाणपत्र हात पारे । त्यस्तै वेस्ट सेटर ज्ञानज्योतिका सुदिप राना,वेस्ट लिबेरो ज्ञानज्योतिकै बिनोद बुढाथोकी,वेस्ट स्पाईकर होराईजनका राहुल चौधरी र वेस्ट कोच न्यु होराईजनकै उदय बम मल्ल घोषित भए । उत्कृष्ट सबैले जनही दुई हजार,मेडल तथा प्रमाणपत्र हात पारे ।

पाच दिन सम्म संचालन भएको प्रतियोगितामा लुम्बिनी प्रदेशका दाङ,बाके,रुपन्देही, सल्यान र पश्चिम रुकुम जिल्ला कलेज गरि २० टिमको सहभागिता रहेको थियो ।
यसैबिच प्रतियोगिताको समापन समारोह आयोजक राप्ती किङ भलिबल प्रशिक्षण केन्द्र तुलसिपुरका अध्यक्ष कमल खत्रीको अध्यक्षता तथा नेपाली काग्रेस तुलसिपुर नगर कमिटिका सभापती सुरेश हमालको प्रमुख आतिथ्य एवं तुलसिपुर उपमहानगरपालिका वडा न १० का अध्यक्ष यम बहादुर केसि र लुम्बिनी प्रदेश भलिबल संघका अध्यक्ष देवेन्द्र सिह बैरागिको विशिष्ट आतिथ्यमा भएको थियो ।

सो अबसरमा प्रतियोगिता लाई भब्य एवं सभ्य बनाउन महत्त्वपूर्ण सहयोग पु¥याउने संघ सस्था,ब्यक्ती,तथा रास्ट्रीय रास्ट्रपती रनिङ शिल्ड प्रतियोगिता २०७९ मा एथलेटिक्स तर्फ रास्ट्रीय कृतिमान कायम गर्न सफल निशा चौधिरी, सहभागी बब्लु वलि,भलिबल तर्फ खेलाडी मोनिका बिष्ट,सीता वलि र रुपा थापा त्यस्तै बिजेता,उपबिजेता टिम तथा खेलाडि, कार्यक्रमका प्रमुख अतिथी, विशिष्ट अतिथिले पुरस्कार तथा कप,मेडल प्रमाणपत्र प्रदान गर्नु भएको थियो । कार्यक्रमको संचालन खेल पत्रकार लक्ष्मण बस्नेतले गर्नु भएको थियो ।

प्रतिक्रिया दिनुहोस्

सम्वन्धित समाचार