काठमाडौ,२० असोज । नेपाली राष्ट्रिय क्रिकेट टिमका निलम्बित कप्तान सन्दिप लामिछाने आज बिहान १० बजे त्रिभुवन अन्तरराष्ट्रिय विमानस्थलमा आइपुग्नेभएपछि नेपाल प्रहरीले पक्राउको तयारी गरेको छ ।नेपाल प्रहरीका प्रवक्ता टेकप्रसाद राईका अनुसार अनुसन्धानमा खटिएको प्रहरी टोलीले लामिछानेलाई नियन्त्रणमा लिनेछ । सन्दिपले आफूले आत्मसमर्ण गर्न लागेकाले विमानस्थलबाट नियन्त्रणमा लिँदा हतकडी नलगाउन प्रहरीलाई पठाएको चिठीमा उल्लेख गरिएको स्रोतको भनाइ छ ।प्रहरी प्रवक्ता राईले भन्नुभयो, ‘हतकडी कुनै अभियोगमा समातिएका व्यक्ति वा सजाए पाएका कैदीलाई माग्न नपावस् भन्नका लागि लगाइने हो । उनले आत्मसमर्पण गर्छु भनेकाले नलगाउन पनि सकिन्छ ।
’यद्यपी हतकडी लगाउने वा नलगाउने भन्ने बारेमा अनुसन्धान गरिरहेको अधिकृतले निर्णय गर्ने उहाँले जानकारी दिनुभयो । सन्दिपमाथि एक १७ वर्षीया किशोरीलाई बलात्कार गरेको आरोप लागेको छ । क्रिकेट खेल्न केन्या पुगेका लामिछानेविरुद्ध प्रहरीमा भदौ २१ गते जबरजस्ती करणीको जाहेरी परेको थियो । प्रहरीले पक्राउ पूर्जी जारी गरेपछि सन्दीपलाई नेपाल क्रिकेट सङ्घले नेपाली क्रिकेटको कप्तानबाट निलम्बन गरेको थियो ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
©Copyright©2021-2024 शहिद महान स्मृति संचार गृह प्रा.ली.