म्याग्दी घटनाप्रती युवा संगठनको गम्भीर ध्यानाकर्षण,संयोजक ले दिए कडा चेतावनी

न्युजराप्ती,तातोपानी। युवा संगठन नेपालले धौलागिरी ब्युरो अन्तर्गत म्याग्दीमा रहेको संगठनको जिल्ला कार्यालयमाथि बुधबार मध्यराति तोडफोड भएको घटनाप्रति गम्भीर ध्यानाकर्षण भएको जनाएको छ ।

युवा संगठन नेपालका संयोजक पाटन जंगलीले एक प्रेस विज्ञप्ती जारी गरी संगठनको जिल्ला कार्यालयमा बुधबार मध्य राति स्थानीय दलाल र तिनका लठ्ठयत गुण्डाहरुबाट तोडफोड गर्नुका साथै साइनबोर्ड र झण्डा समेत च्यात्ने तथा जलाउने कार्यप्रति गम्भीर ध्यानाकर्षण भएको जनाउदै उक्त घटनाको जाँचबुझ तथा कार्यालयको अवस्था बुझ्न घटनास्थल गएका संगठनका धरौलागिरी इन्चार्ज इन्द्र, म्याग्दी जिल्ला अध्यक्ष नविन लगायत ५ जना सदस्यमाथि सांघातिक आक्रमण गरी गम्भीर घाइते बनाएको बताएका छन् । उक्त घटनाको उचित छानबिन गरी दोषीहरुलाई कानुनी कठघरामा ल्याउन सम्बन्धित पक्षको उनले ध्यानाकर्षण गराएका छन् ।

विज्ञप्तीमा भनिएको छ,–‘घटनाको विषयमा जाँच बुझ गर्दै गर्दा, दलालहरुबाट संचालित गुण्डाहरु पूर्व योजना मुताविक घेरा हाली हाम्रा कमरेडहरुमाथी सांघातिक आक्रमण गरेका छन् । उक्त घटनाप्रति हाम्रो संगठन खेद प्रकट गर्दछ । यस्ता प्रकारका घटनाहरुलाई तुरुन्त रोक्न हाम्रो संगठन चेतावनी दिन्छ । अन्यथा संगठनका कुनै पनि सदस्य माथी गरिने आक्रमणको उचित जवाफ संगठनले दिनेछ ।’

प्रेस विज्ञप्तीको पूर्णपाठ:-
हाम्रो महान तथा गौरबशाली संगठन युवा संगठन नेपालको धौलागिरी ब्युरो अन्तरगत म्याग्दी जिल्लाको बेनी नगरपालिका ४ तातोपानीमा रहेको संगठनको जिल्ला कार्यालय माथी २०७८ र ५ र २ गत्ते मध्य राति ९२ बजे स्थानीय दलालहरु र तिनका लठ्ठयत गुण्डाहरुबाट संगठनको जिल्ला कार्यालय तोडफोड गर्नुका साथै साइनबोर्ड र झण्डा समेत च्यात्ने तथा जलाउने कार्य भएको छ । उक्त कार्यप्रति हाम्रो संगठनको गम्भीर ध्यानाकर्षण भएको छ । २ गते राति भएको घटनाको जाँचबुझ तथा कार्यालयको अवस्था बुझ्न घटना स्थाल जानु भएका संगठनका केन्द्रिय सदस्य तथा धौलागिरी ब्युरो र गण्डक ब्युरोका इन्चार्ज क.इन्द्र, म्याग्दी जिल्ला अध्यक्ष क.नवीन लगायत पाँच जना कमरेडहरु माथी सांघातिक आक्रमण गरि गम्भीर घाइते बनाएका छन । घटनाको विषयमा जाँच बुझ गर्दैगर्दा, दलालहरुबाट संचालित गुण्डाहरु पुर्ब योजना मुताबिक घेरा हाली हाम्रा कमरेडहरु माथी सांघातिक आक्रमण गरेका छन । उक्त घटनाप्रति हाम्रो संगठन खेद प्रकट गर्दछ । यस्ता प्रकारका घटनाहरुलाई तुरुन्त रोक्न हाम्रो संगठन चेतावनी दिन्छ । अन्यथा संगठनका कुनै पनि सदस्य माथी गरिने आक्रमणको उचित जवाफ संगठनले दिने छ ।अन्त: तातोपानीमा भएको घटनाको उचित छानबिन गरि दोषीहरुलाई कानुनी कठघरामा ल्याउन सम्बन्धित पक्षको ध्यानाकर्षण गर्दछौँ ।