दाङ । नेपाली चलचित्र क्षेत्रका सदाबहार नायक एवं चलचित्र विकास बोर्डका अध्यक्ष भुवन केसी दाङ आउने भएका छन् । आगामी असार १ देखि ३ गतेसम्म दाङमा हुने प्रथम बाल चलचित्र महोत्सवमा नायक केसी आउने भएका हुन् ।
चलचित्र विकास बोर्डका प्रवक्ता एवम् प्रथम बाल चलचित्र महोत्सवका संयोजक केएल बुढाथोकीका अनुसार नायक केसीले “बालबालिकासंग भुवन केसी” कार्यक्रम मार्फत आफ्नो सिने यात्रा र नेपाली चलचित्रबारे अन्तर्कृया गर्नेछन् । नायक केसीसंगै महोत्सवमा राष्ट्रियस्तरका कलाकारहरुको सहभागिता रहनेछ ।
चलचित्र विकास बोर्डले बालबालिका तथा किशोरकिशोरीहरुलाई आफ्नो कथा भन्ने र हेर्ने वातावरण तयार गर्ने, उनीहरु माझ चलचित्रको माध्यमबाट शिक्षा र संस्कृतिलाई अघि बढाउने तथा हरेक बालबालिकाको मनोरञ्जनको अधिकारको संरक्षण तथा प्रवर्द्धन गर्ने उद्देश्यले दाङमा असार १ देखि ३ गतेसम्म प्रथम बाल चलचित्र महोत्सव आयोजना गरेको छ ।
महोत्सवमा चलचित्र प्रदर्शन, चलचित्र ज्ञान सम्बन्धी हाजिरी जवाव, चलचित्र गीतमा नृत्य प्रतियोगिता, अभिनय प्रतियोगिता, बालबालिकासंग भुवन केसी पुस्तक तथा फोटो प्रदर्शनी तथा अन्तर्किया कार्यक्रम आयोजना गरिने बोर्ड सदस्य एवं प्रवक्ता केएल बुढाथोकीले बताए । साथै महोत्सवमा स्थानीय समुदायका लोकनृत, झाँकी तथा साँस्कृतिक प्रस्तुति रहनेछ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
८ श्रावण २०८१ १४:०३
४ चैत्र २०७८ १०:३९
३० चैत्र २०७९ ०६:१५
©Copyright©2021-2024 शहिद महान स्मृति संचार गृह प्रा.ली.
