तेज वीर बिसी
राेल्पा / राेल्पाकाे रुन्टीगढी गाउँपालिका वडा नं. ७ मा एक शिक्षकले स्थानीयबासी भुपेन्द्र खड्कामाथि कुटपिट गरेको आरोप लागेको छ । महेन्द्र मावि राेल्पा हाेलेरी रोल्पाका शिक्षक रेशम बुढाथोकीले राजनीति गरेर स्थानीय मजदुर खड्कामाथि कुटपिट गरेको आरोप लागेको हो ।
पीडित स्थानीय भुपेन्द्र खड्काले गत जेठ २९ गते राति शिक्षक रेशम बुढाथोकीले आफ्नो टाउँको एक मुक्का प्रहार गरेको बताएका छन् । गत स्थानीय चुनावमा नेपाली काङ्ग्रेसलाई भाेट दिन दबाबसँगै घर घेराउ कुटपिट जस्ता घृणित कार्य गर्दै व्यक्तिको स्वतन्त्रताको हनन गर्दै दबाबमा राख्न खोजेको र अहिले पनि सत्ताकाे आड्मा कुटपिट तथा अभद्र व्यवहार समेत गरेको पीडित खड्काले जानकारी दिए ।
शिक्षक रेशम बुढाथोकी नेपाली काङ्ग्रेस निकट निवर्तमान शिक्षक संघ रुन्टीगढी सभापति समेत रहेकाे देखिएकाे छ ।
पीडितले इलाका प्रहरी कार्यलय हाेलेरीमा छलफलकाे लागि निवेदन दिएका छन् । प्रहरीसँग बुझ्दा त्यस्ताे कुनै शरीरमा चाेट पटक नदेखिएको भन्ने आएकाे छ । हामी छलफलमै रहेकाे हाेलेरी इलाका प्रहरी कार्यलयका इनिस्पेक्टर मधुसूदन विश्वकर्माले बताउनुभएको छ।
उता पीडक शिक्षक रेशम बुढाथोकीले स्थानीयबासी भुपेन्द्र खड्कालाई कुटपिट नगरेको बताएका छन् । उनले सिस्ने अनलाइनसँग कुराकानी गर्दै गाउँघरमा खानपिनका लागि बसेको बेलामा सामान्य विवाद मात्र भएको र त्यो समयमा राजनीतिको `र´ को समेत उच्चारण नभएको जानकारी दिए । विवादको क्रममा स्थानीय भुपेन्द्र खड्काको टाउँको आफ्नो हात ठोक्किन पुगेको तर कुटपिट नभएको शिक्षक खड्काको भनाइ छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
©Copyright©2021-2024 शहिद महान स्मृति संचार गृह प्रा.ली.
