चीनमा फेला पर्यो एशियाको सबैभन्दा ठुलो रुख!

डेली न्युजराप्ती       १२ असार २०८० १२:२७ मा प्रकाशित     118 No Comments

काठमाडौं । एशियाको सबैभन्दा अग्लो रूख चीनमा फेला परेको छ। चीनको पेकिङ युनिभर्सिटीका अनुसन्धानकर्ताहरूले यो रुख साइप्रसको भएको बताएका छन्, जसको उचाइ ३ सय ३५ फिट र व्यास ९.६ फिट छ। यो रुख न्युयोर्कको स्ट्याच्यु अफ लिबर्टीभन्दा ठूलो छ र विश्वको दोस्रो सबैभन्दा अग्लो रुख हो। यो विशाल रूख चीनको तिब्बत स्वायत्त क्षेत्रको बोम काउन्टीको न्यिन्ची शहरको यार्लुङ जाङ्बो ग्रान्ड क्यान्यन नेचर रिजर्भमा पेकिङ विश्वविद्यालयको अनुसन्धान टोलीले मे महिनामा फेला पारेको विश्वविद्यालयले जारी गरेको विज्ञप्तिमा उल्लेख छ।
गत वर्ष अप्रिल महिनामा वैज्ञानिकहरूले तिब्बतको मेडोग काउन्टीमा २ सय ५२ फिट अग्लो रुख फेला पारेका थिए। त्यसपछि अक्टोबर महिनामा २ सय ७४ फिट अग्लो रुख भेटिएको थियो। तर, अब यो नयाँ रुख फेला परेपछि एसियाको सबैभन्दा अग्लो रुखको कीर्तिमान फेरि एकपटक अद्यावधिक भएको छ।
यसबाहेक वैज्ञानिकहरूले यस क्षेत्रमा अन्य धेरै ठूला रूखहरू पनि पत्ता लगाएका छन्। जसमध्ये २ सय ७९ फिटभन्दा अग्लो ५० रुख र २ सय ९५ फिटभन्दा अग्ला २५ रुख फेला परेका छन्। सयौं फिट अग्लो यो सिप्रस रूख विशेष छ किनभने यसको जरा पृथ्वीमा पूर्ण रूपमा छैन।

प्रतिक्रिया दिनुहोस्

सम्वन्धित समाचार