काठमाडौं: एमसीसी परियोजना कार्यान्वयनकाे दिन नजिकिँदै गर्दा राजनीति क्षेत्र तात्न थालेको छ । त्यही विषयलाई लिएर आज बिहान ७:३० मा काेटेश्वरस्थित निवासमा नेकपा (एस) का अध्यक्ष तथा समाजवादी माेर्चा, नेपालका संयाेजक समेत रहेका नेता माधव कुमार नेपाल र नेकपाका प्रवक्ता प्रकाण्डबिच छलफल भएकाे छ ।
साे भेटघाटमा प्रवक्ता प्रकाण्डले समाजवादी माेर्चाकाे मूल मर्म ‘समाजवाद र राष्ट्रिय स्वाधीनता’ भएकाे र त्यसको बर्खिलाप कार्य भएमा समाजवादी माेर्चाकाे भविष्य नै धरापमा पर्ने र औचित्य पुष्टि नहुने बताएको र नेता माधव कुमार नेपालले १२ बुँदे ब्याख्यात्मक टिप्पणीबारे अमिरिकी धारणा आउनुपर्ने र दलहरुबिच सहमति गरेर मात्र अगाडि बढ्नुपर्ने बताएका छन् ।
दुई नेताबिच सकारात्मक छलफल भएकाे जानकारी प्रवक्ता प्रकाण्डले जनपत्रिकालाई दिएका छन् ।
आज एमसीसी विरुद्धमा रहेका पार्टीहरु र बाैद्धिक वर्गहरुबिच पनि भेटघाट र विमर्श बाक्लिएकाे खबर छ ।
बुटवलमा हुने समाजवादी माेर्चाकाे कार्यक्रममा प्रचण्ड, विप्लव लगायत नेताहरुले बाेल्लान् भन्नेमा धेरैले आतुरतापूर्वक हेरिरहेका छन् । आज नै एमसीसीकाे विषयमा नेकपासहित विभिन्न पार्टीहरु औपचारिक धारणा आउन सक्ने अड्कलबाजी भइरहेको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१८ बैशाख २०८० २१:०७
१३ फाल्गुन २०७९ ०६:४७
२९ फाल्गुन २०८० ०९:४९
©Copyright©2021-2024 शहिद महान स्मृति संचार गृह प्रा.ली.
