तुलसीपुर दुर्घटनाका घाइतेहरुको अवस्था बुझ्न नेकपाका सेक्रेटरी निर्मल पुगे प्रादेशिक अस्पताल

भदौ ३१ , तुलसीपुर । नेकपा पश्चिम दाङले तुलसीपुरको एयरपोर्ट नजिकै हाइसले अटोलाई ठक्कर दिदा भएको दुर्घटनाका घाइतेहरुको अवस्था  बुझ्न अस्पताल पुगेको छ ।

नेकपा पश्चिम दाङका सेक्रेटरी निर्मल सी सहितको टोलि आज दिउँसो १:३० बजेतिर दुर्घटनाका घाइतेहरुको अवस्था बुझ्न राप्ती प्रादेशिक अस्पताल तुलसीपुर पुगेका हुन् ।

घाइतेहरुको अवस्था बुझ्न पार्टीका सेक्रेटरी निर्मल सी सहित युवा संगठन नेपालका केन्द्रीय सदस्य शुदर्शन सी , अखिल (क्रान्तिकारी) तुलसीपुरका अध्यक्ष केवी सी , जनपत्रकार संगठन नेपालका केन्द्रीय सदस्य हेमन्त प्रकाश वली लगाएत उपस्थित थिए ।

आज बिहान तुलसीपुरको एयरपोर्ट नजिकै हाइसले अटोलाई ठक्कर दिदा भएको दुर्घटनामा ६ जना घाईते भएका थिए ।

घाइते एकजना किशोरको मृत्यु

तुलसीपुरको एयरपोर्ट नजिकै हाइसले अटोलाई ठक्कर दिदा घाइते भएका मध्य एक किशोरको मृत्यु भएको छ । मृत्यु  हुनेमा तुलसीपुर उपहानगरपालिका –६ गोलौरा निवासी १३ वर्षका दामोदर भण्डारी रहेको इलाका प्रहरी कार्यालय तुलसीपुरका डीएसपी ठाकुर प्रसाद पोख्रेलले जानकारी दिनुभयो । भण्डारीको प्रादेशिक अस्पताल तुलसीपुरमा बिहान ११ बजे उपचारको क्रममा मृत्यु भएको प्रहरीले जनाएको छ ।

डोक्रेनाबाट रक्षाचौर तर्फ जाँदै गरेको रा१ह ४४५९ को अटोलाई नेपालगञ्जबाट आउँदै गरेको लु २ ख ५९१८ नम्बरको हाइसले एयरपोर्ट नजिकै स्टारबाेर्डिङ चोकमा बिहान करिब ९ बजे  पछाडिबाट ठक्कर दिदा दुर्घटना भएको थियो ।