हेमन्तप्रकाश वली ।
असोज ३,दाङ । नेपाल कम्युनिस्ट पार्टीका महासचिव नेत्रविक्रम चन्द (विप्लव)ले देशका लागि नयाँ संविधान अपरिहार्य बनेको जिकिर गरेका छन् ।
विप्लवले आज संविधान दिवसको सन्दर्भमा यस्तो बताएका हुन् ।
सामाजिक संजाल फेसबुकमा नेकपाका महासचिव विप्लवले लेखेका छन् – ‘नेपाली विशेषताको समाजवादको नयाँ संविधान देशकालागि अपरिहार्य बनिसकेको छ। सबै जिम्मेवार राजनीतिक शक्तिहरूले समयमै मनन् गरौं ।’
नेपालको संविधान -२०७२ लाई विप्लव नेतृत्वको नेपाल कम्युनिस्ट पार्टीले खारेज गर्दै आएको छ ।
नेकपाले यो संविधानले दलाल पुजिपति वर्गको प्रतिनिधित्व तथा संरक्षण गर्ने भएकाले यसको विकल्पमा नेपाली विशेषताको समाजवादको नयाँ संविधान देशका लागि अपरिहार्य बनेको जिकिर गर्दै आइरहेको छ ।
महासचिव विप्लवले नेपाली विशेषताको समाजवादी नयाँ संविधानका लागि सबै जिम्मेवार राजनितिक शक्तिहरुले समयमै मनन गर्नुपर्ने समेत बताएका छन् ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१२ श्रावण २०८० १२:५२
२० कार्तिक २०८० ११:०२
©Copyright©2021-2026 शहिद महान स्मृति संचार गृह प्रा.ली.
