काठमाण्डौँ, ८ चैत । अस्ति शुक्रबारदेखि सक्रिय भएको वर्षा गराउने प्रणाली कमजोर बन्दै गएपछि आजदेखि देशभर मौसममा सुधार देखिएको छ।
मौसमविद् विभूति पोखरेलका अनुसार गएरातिदेखि नै मौसम खुल्दै गएको र आज हिजो–अस्तिको जस्तो व्यापक वर्षा नहुने सम्भावना रहेको छ।
यद्यपि प्रि–मनसुनका गतिविधि भने यथावत रहनेछन्। यस अवधिमा घाम लाग्ने र फेरि बदली हुने क्रम जारी रहनेछ भने तत्काल ठूलो र लामो वर्षा हुने सम्भावना नरहेको उहाँले बताउनुभयो।
आज देशका पहाडी तथा हिमाली क्षेत्रमा सामान्यदेखि आंशिक बदली रहनेछ भने तराई क्षेत्रमा आंशिक बदलीको अवस्था रहनेछ। कोशी र लुम्बिनी प्रदेशका तराईसहित पहाडी तथा हिमाली भू–भागका केही स्थानमा मेघगर्जन र चट्याङसहित हल्का वर्षा तथा हिमपातको सम्भावना रहेको मौसम पूर्वानुमान छ।
हाल देशमा पश्चिमी न्यून चापीय प्रणालीसँगै स्थानीय वायूको प्रभाव कायम रहेकाले मौसम पूर्ण रूपमा सफा हुन अझै केही समय लाग्ने जनाइएको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
३ श्रावण २०७९ १०:४८
१४ मंसिर २०८० १४:१६
२३ भाद्र २०७९ २०:०६
©Copyright©2021-2026 शहिद महान स्मृति संचार गृह प्रा.ली.
