चैत्र १९। वैज्ञानिक समाजवादी कम्युनिस्ट पार्टी नेपालको प्रथम राष्ट्रिय भेला सम्पन्न भएको छ।
चैत्र १७-१९ गतेसम्म काठमाडौंमा चलेको प्रथम भेलाले पार्टीको महासचिवमा बिश्वभक्त दुलाल(आहुती)लाई सर्वसम्मत चयन गरेको छ।
यस्तै भेलाले आगामी बैशाख ३० गते हुने स्थानीय निर्वाचन बहिष्कार गर्ने, राष्ट्रघाती एमसिसी विरुद्ध संयुक्त मोर्चा निर्माण गर्न पहल गर्ने लगाएतका ८ बुँदे समसामयिक प्रस्ताव पास गरेको सो पार्टीका केन्द्रीय सदस्य महावीर बिश्वकर्माले जानकारी दिएका छन। भेलाले केन्द्रीय समितिमा ४०% महिला सहभागितासहित ९९ सदस्यीय केन्द्रीय समिति चयन गरेको छ। यस्तै भेलाले नन्दन अर्यालको संयोजकत्वमा कार्यकारी अधिकारसहितको ‘प्रबुद्ध(veteran) समिति’ समेत चयन गरेको जनाइएको छ।प्रथम भेलाले वैज्ञानिक समाजवादी व्यवस्था निर्माण गर्ने ठोस कार्यदिशासहितको राजनीतिक प्रस्ताव, सांस्कृतिक रुपान्तरणको ठोस कार्ययोजना र विधान समेत पास गरेको छ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
२ जेष्ठ २०८० २२:२६
२९ मंसिर २०७९ १५:५२
१४ माघ २०७८ १४:२५
©Copyright©2021-2025 शहिद महान स्मृति संचार गृह प्रा.ली.
