नेकपा स्थायी समितिको बैठक सकियो , आजदेखी पोलिटब्युरो समितिको बैठक सुरु

नेपाल कम्युनिस्ट पार्टी स्थायी समितिको बैठक सम्पन्न भएको छ ।
कपिलवस्तुस्थित पार्टी कार्यालय शिवगढीमा बसेकाे नेकपा स्थायी समिति बैठक शुक्रबार राति ९ बजे सम्पन्न भएको हो।

स्थायी समिति बैठकमा आज बसिरहेको पाेलिट ब्युरो समिति र भोलिदेखी बस्ने केन्द्रीय समिति बैठकका ऐजेण्डा र व्यवस्थापनबारे छलफल भएको बताइएको छ । यसअघि केन्द्रीय प्रतिनिधि समितिको बैठक सम्पन्न भएको थियो ।

यस्तै नेपाल कम्युनिस्ट पार्टी पाेलिट ब्युराे समितिकाे बैठक आज बिहानबाट सुरु भएकाे छ ।

बैठक कपिलवस्तुस्थित पार्टी केन्द्रीय कार्यलयमा बिहान ९ बजेदेखि सुरु भएकाे पार्टी स्थायी समिति सदस्य तथा प्रकाशन विभाग प्रमुख अनिल सीले जानकारी दिए ।

बैठकमा महासचिव विप्लव सीले बैठकका एजेण्डा प्रस्तुत गरेर आफ्नो धारणा राखिरहेकाे नेता अनिलले बताए ।