काठमाडौं: नेपाल कम्युनिस्ट पार्टीले असोज १६ गतेको भुकम्पका कारण बझाङका पीडित र प्रभावितहरुका लागि नगदसहित राहत हस्तान्तरण गरेको छ ।
नेकपा महासचिव विप्लवले पीडित र प्रभावितहरुका लागि राह जिल्ला विपद व्यवस्थापन समितिमार्फत सहायक प्रमुख जिल्ला अधिकारी सत्यकुमारी जोशीलाई राहत स्वरूप नगद रु. १ लाख र १ सय ओटा कम्बल हस्तान्तरण गरेका हुन् ।
जिल्ला प्रशासन कार्यालय बझाङमा आयोजित राहत वितरण कार्यक्रममा भुकम्पको कारण ज्यान गुमाएकी जयपृथ्वी नगरपालिका वडा नम्बर ११ निवासी गुनमती धामीको छोरा करण धामीलाई रु १० हजार नगद समेत हस्तान्तरण गरिएको थियो ।
आइतबार आयोजित राहत वितरण कार्यक्रममा नेकपा नेताहरू भगतसिङ सी, समर सी , सुवास सी र अडिग सी लगाएतको सहभागिता रहेको थियो ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१५ जेष्ठ २०८१ २३:११
©Copyright©2021-2025 शहिद महान स्मृति संचार गृह प्रा.ली.
