कपिलवस्तु: नेपाल कम्युनिस्ट पार्टीले अखण्ड भारतको नक्सामा लुम्बिनी र कपिलवस्तु भारतमा गाभिएको विरोधमा जनप्रदर्शन तथा कोणसभा गरेको छ ।
नेपाल कम्युनिष्ट पार्टी पूर्वी जिल्लाले ताैलिहवामा स्थानीय जनतासहित जनप्रदर्शन तथा काेणसभा गरेकाे छ । नेपाल कम्युनिस्ट पार्टी पश्चिम कपिलवस्तु जिल्लाले पनि चन्द्राैटामा स्थानीय जनतासहित मसालजुलुस सम्पन्न गरेको छ ।
कपिलवस्तु तौलिहवाको बुद्ध पदम विद्यालयको प्राङ्गनबाट सुरु भएको जुलुस प्रदर्शन मुकाम परिक्रमा गरि जिल्ला प्रशासन कार्यालय अगाडि कोण सभामा परिणत भएको थियो । काेणसभालाई नेपाल कम्युनिस्ट पार्टीका पूर्वी कपिलवस्तु जिल्ला इन्चार्ज सुनिल सीले सम्बाेधन गरेका थिए भने कार्यक्रमको सञ्चालन जिल्ला सेक्रेटरी दिपक सीले गरेको बताइएको छ ।
यसैगरी भारतले आफ्नो ससंदभवनमा राखेको अखण्ड भारतकाे नक्सामा नेपालको कपिलवस्तु, लुम्बिनीलाई समावेश गरेकाे विरोधमा नेपाल कम्युनिस्ट पार्टी पश्चिम कपिलवस्तु जिल्लाले चन्द्राैटामा स्थानीय जनतासहित मसालजुलुस गरेको छ । मसाल जुलुसकाे नेतृत्व नेपाल कम्युनिष्ट पार्टीका पश्चिम कपिलवस्तु जिल्ला इन्चार्ज हेमन्त सी र जिल्ला सचिव पाबेल सीले गरेका थिए ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
२१ भाद्र २०८० १०:२०
३२ जेष्ठ २०८० ११:३९
२५ मंसिर २०७९ २०:२०
©Copyright©2021-2024 शहिद महान स्मृति संचार गृह प्रा.ली.
