विचार : विक्रान्त सी ।
हान्नै पर्नेको छातीमा गोली हानेको भए
सबैले गाँस पाउने थिए
सबैले कपास पाउने थिए
सबैले बाच्न पाउने थिए
आफ्नै देशमा हाँसीहाँसी नाच्ने थिए
निशुल्क शिक्षा र स्वास्थ्य ,रोजगार पाउने थिए
किन? अशिक्षा र बेरोजगारको उपाधि पाउने थिए
किन? पासपोर्ट बनाउने थिए
किन? सडकमा नारा लगाउन आउने थिए
किन? गाडी जलाउने थिए
यो जनताको वितृष्णा र आक्रोश देखिएको हो
यो सबै गोलि हान्नै पर्नेलाई नहानेरै हो
सहि ठाउँमा बन्दुक चलाउन नजानेरै हो ।
गोलि हान्नै पर्नेलाई गोलि हानेको भए
नेपाल आमा रुने थिएन
देश कंगाल हुने थिएन
सुगौली सन्धि हुने थिएन
राष्ट्रविरोधी सन्धी हुने थिएन
आर्थिक मन्दी हुने थिएन
महाकाली बेचिने थिएन
राष्ट्रघाती एम् सी सी पास हुनै थिएन
काण्डै-काण्डको देश ,उदारो उपदेश हुनै थिएन
भ्रष्टाचारी,बलात्कारी र दलाली बढ्ने थिएनन्
हान्नै पर्नेको छातीमा गोली हानेको भए
बेरोजगार युवालाई
गोली हानेपछि हत्या गरेपछि
जाबो मन्त्रीको गाडी मात्र जल्यो
मन्त्रीहरु जल्नेछन्
सिंहदरबार जल्ने छ
निरन्तर क्रान्तिको ज्वाला बल्ने छ
हत्यारा सरकार ढल्ने छ
यो हत्यारा व्यवस्था छिट्टै खरानी बन्ने छ ।
यदि सक्छौ भने ती हान्नै पर्नेको छातीमा
ताकि ताकि गोली हान सरकार
नत्र गरिबलाई नमार सरकार ।
गोली हान्नै पर्नेलाई गोलि हानेको भए
निर्मलाले न्याय पाउथे होला
मदन भण्डारीले न्याय पाउथे होला
दरबार हत्या काण्डको छानबिन हुन्थ्यो होला
प्रिय नेपाली सुरक्षाकर्मी साथी
गोलि हान्नै पर्नेलाई हानेको भए
सिमाना मिचिने थिएन होला
राष्ट्रियता थिचिने थिएन होला
विदेशी भुमिमा नागरिक बेचिने थिएन होला
यदि हान्ने पर्नेको छातीमा गोलि हानेको भए ।
जनताको पसिनाको पुजीले बन्दुक किन्यौ
तलब खायौं ,पोशाक लगायौ
मन्त्री भयौ ,गाडी चड्यौ,शासक भयौं
पेट पाल्नलाई,रेमिटेन्स पठाउनलाई
युवाले विदेशमा श्रम बेच्न जान्छु भन्दा
चरा मारेजस्तै सडकमा लडायौ
तिम्रो बन्दुक कसको लागि चलायौ ?
अब साच्चिकै बन्दुक पट्याउनु छ
एकएक गरि छान्नु छ
हान्नै पर्नेलाई गोली हान्नु छ
हत्यारा व्यवस्था मिल्काउनु छ
क्रान्तिको राँको सल्काउनु छ ।
नौजवान युवा जाग्नुपर्छ
आफ्नो अधिकारको संसार बनाउन
देशलाई देश बनाउन,रगतको मूल्य चुकाउन
यो ज्यानमारा व्यवस्थाले हत्या मात्र गरेन
सबै सपनाको बारम्बार हत्या गर्यो
गोलि हान्नै पर्नेलाई गोलि हानेको भए
बोलीहाल्नेलाई गोली हानिदैन थियो
अब हामीले हान्ने पर्नेको छातीमा
ताकि ताकि गोलि नहानेसम्म
सहिदका सपना पुरा हुनेछैनन्
तीन करोड नेपालीले शान्ति पाउने छैनन्
त्यसैले गोलि हान्नै पर्नेलाई गोली हान्न
एकफेरी नौजवान नेपाली तयारी बनौं ।
लेखक: विक्रान्त सी नेपाल कम्युनिस्ट पार्टी निकट अनेरास्ववियु (क्रान्तिकारी)का केन्द्रीय सदस्य हुनुहुन्छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
७ कार्तिक २०७८ ०७:१३
७ श्रावण २०७८ २३:००
२८ जेष्ठ २०८० ११:१३
२६ कार्तिक २०७९ १३:१६
©Copyright©2021-2024 शहिद महान स्मृति संचार गृह प्रा.ली.
