झापा: नेपाल कम्युनिस्ट पार्टी माओवादी केन्द्र झापाका २ नम्बर क्षेत्रीय संयोजक तथा १ नम्बर प्रदेश कमिटी सदस्य अर्जुन पाण्डेले माओवादी केन्द्रबाट राजीनामा लेखि नेपाल कम्युनिस्ट पार्टीमा ध्रुवीकृत भएका छन् ।
शनिवार एक विज्ञप्ति प्रकाशित गर्दै उनले नेपाल कम्युनिस्ट पार्टीमा ध्रुवीकृत भएको घोषणा गरेका हुन् । उनले यतिबेला मुलुक भयानक संकटमा पुगेको र अब निकास अनिवार्य बनिसकेको बोध गर्दै नेपालको अग्रगामी आन्दोलनलाई संगठित गर्न सचेत प्रयत्न गर्नु पर्ने बताएका छन् । त्यसको निम्ति एउटा शक्तिसाली धारा निर्माण गर्नुपर्ने र सबै कम्युनिस्ट, वामपन्थी, लोकतान्त्रिक शक्ति र देशभक्तलाई समेत एक गर्न नेपाल कम्युनिस्ट पार्टी र महासचिव विप्लवमार्फत सचेत पहल लिन सकिने दर्बिलो विश्वास रहेको बताएका छन् ।
पाण्डे बुधाबारे गाविसका तत्कालिन निर्वाचित उपाध्यक्ष हुन् । विद्यार्थी जीवनमा मेची क्याम्पसका निर्वाचित स्ववियु सभापति समेत बनेका पाण्डे लोकप्रिय नेताको रुपमा झापामा परिचित छन् । माओवादी जनयुद्धमा प्रत्यक्ष सहभागी भएर आएका पाण्डे जनतामा सरल र मिजाशिलो ढंगले प्रस्तुत हुने नेता हुन् ।
यसअघि देशका विभिन्न भुभागमा नेकपा प्रवेशको लहर चलेको छ । दाङ , कैलाली लगाएतका स्थानमा सयौंको संख्यामा विभिन्न पार्टी परित्याग गरि नेताकार्यकर्ताहरुले नेकपामा प्रवेश गरेका थिए ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
२७ बैशाख २०७९ ०८:४३
६ जेष्ठ २०८० ०६:४७
११ जेष्ठ २०८० २०:५२
©Copyright©2021-2025 शहिद महान स्मृति संचार गृह प्रा.ली.
