बैशाख १६ , दाङ । नेपाल कम्युनिस्ट पार्टीले ७ वटै प्रदेशमा प्रदेश इन्चार्जहरु तोकेको छ ।
पार्टीको नवौं केन्द्रीय समितिको पाँचौ पुर्ण बैठकले प्रदेश इन्चार्जहरुको टुँगो लगाएको हो ।
बैठकले बागमती प्रदेशमा पार्टीका प्रवक्ता समेत रहेका प्रकाण्ड सीलाई इन्चार्जको जिम्मेवारी दिएको छ भने सुदुरपश्चिम प्रदेशमा पार्टीका स्थायी कमिटी सदस्य भरत सी , लुम्बिनी प्रदेशमा विषम सी , कर्णाली प्रदेशमा सुशील सी , मधेस प्रदेशमा अनिल सी , गण्डकी प्रदेशमा उमा सी र कोशी प्रदेशमा दिपेश सीलाई इन्चार्जको जिम्मेवारी दिइएको नेकपाले जनाएको छ ।
यस्तै नेकपाले संसदीय निर्वाचनलाई संघर्षको मोर्चा बनाउने पनि बताएको छ । चुनावलाई बहिष्कार वा प्रयोगको निति दुबैबाट पार्टी समृद्ध भएकाले परिस्थिति अनुरुप चुनावलाई बहिस्कार वा प्रयोग गर्न सकिने नेकपाको बुझाई रहेको छ ।
यस्तै नेकपाले आज केन्द्रीय समितीको पाँचौ बैठकले गरेका महत्वपूर्ण निर्णयहरु सार्वजनिक गर्न काठमाडौंमा पत्रकार सम्मेलन गर्ने भएको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
©Copyright©2021-2024 शहिद महान स्मृति संचार गृह प्रा.ली.