काठमाडौं/ आज १३५ औं अन्तर्राष्ट्रिय श्रमिक दिवस । दिवस संगै सरकारले आज सार्वजनिक विदा समेत घोषणा गरेको छ । यता श्रमिक दिवसको अवसरमा नेपाल कम्युनिस्ट पार्टीका महासचिव विप्लव सी ललितपुरस्थित हरिसिद्धीमा पार्टीले सञ्चालन गरिरहेको कृषि केन्द्रमा लगाइएको गहुँ काटेर दिवसको सन्देश दिएका छन् ।हुन त विप्लव खेतीपाती र कृषि कर्ममा व्यस्त भइरहने नेताको रुपमा स्थापित छन् । पार्टीले सञ्चालन गरेको उत्पादन अभियानमार्फत राष्ट्रिय अन्तर्राष्ट्रिय सन्देश दिइरहेका विप्लवले श्रमिक दिवसको अवसरमा नेपाल तथा विश्वभरिका श्रमिकहरुलाई शुभकामना दिएका छन् ।विप्लवले विश्वमा श्रमिकहरुको महत्त्व बढ्दै गएको भन्दै श्रमिक र पुजीपति वर्गविचको खाडल सांघुरो बनाउदै लैजानुपर्ने बताए ।विप्लवले पुजीवादी वर्गले विश्व राजनीतिमा दादागिरी र हतियार प्रदर्शन गरिरहेको बताउदै त्यसको प्रतिरोध श्रमिक वर्गले गर्ने बताए ।हरिसिद्धीमा अहिले पार्टी निकट विद्यार्थी संगठनका नेता कार्यकर्ताले गहुँ काटिरहेका छन् ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
©Copyright©2021-2024 शहिद महान स्मृति संचार गृह प्रा.ली.