असार ४ , दाङ । नेपालमा अब नेपाल कम्युनिस्ट पार्टी र त्यसको नेतृत्व विप्लवको विकल्प नभएको भन्दै घोराहीका बिजय विकले नेकपामा प्रवेश गरेका छन् ।
मंगलबार पार्टीका केन्द्रीय सदस्य एवम दाङ २ नं. निर्वाचन क्षेत्रका इन्चार्ज पाटन सी सहित नेताहरुसंग छलफल पश्चात् उनले पार्टीमा जोडिएर काम गर्ने प्रतिबद्धता गरेका हुन् ।
घोराही उपमहानगरपालिका -९ मा बस्ने विकले अब पार्टीमा सबै जोडिएर देशमा देखिएको अस्थिरता , अराजकताको अन्त्य गर्नुपर्ने बताए ।
नेपालमा संसदीय व्यवस्थाको उत्तम विकल्प विप्लवले अघि सारेको नेपाली विशेषताको समाजवादले हल गर्नुपर्ने समेत वताएका थिए ।
नेपाली विशेषताको समाजवाद स्थापनाका लागि आफ्नो क्षेत्रबाट आफू सक्रिय ढंगले पार्टीले दिएको जिम्मेवारी कुशलतापुर्वक पूरा गर्ने समेत उनले प्रतिबद्धता व्यक्त गरेका थिए ।
पछिल्लो समय पार्टीमा प्रवेश गर्नेको संख्या वृद्धि भइरहेकाले सबैलाई क्षमता अनुसार उपयुक्त जिम्मेवारी दिने नेता पाटनले जानकारी दिएका छन् ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
©Copyright©2021-2024 शहिद महान स्मृति संचार गृह प्रा.ली.