तुलसीपुर । तुलसीपुर खानेपानी उपभोक्ता तथा सरसफाई संस्थाले शनिबार तुलसीपुरमा २१ औँ वार्षिक साधारण सभा तथा कार्यपरिषद् बैठक गरेको छ ।
संस्थाका अध्यक्ष यमकान्त भण्डारीको अध्यक्षता एवं तुलसीपुर उपमहानगरपालिकाका नगरप्रमुख टिकाराम खड्काको प्रमुख आतिथ्यतामा कार्यक्रम भएको हो ।
कार्यक्रममा नगरप्रमुख खड्काले संस्थामा सञ्चालित सहलगानी खानेपानी तथा सरसफाई आयोजनाको ७९ % भौतिक प्रगति र ७४% वित्तीय प्रगति सम्पन्न भएकोमा खुसी व्यक्त गर्नुभयो ।
संस्थामा जम्मा धारा सङ्ख्या ११ हजार ६७२ रहेको छ । तुलसीपुर खानेपानी संस्थाको कार्यक्षेत्र तुलसीपुर उपमहानगरपालिकाको ३, ४, ५, ६, ७, ८, ९, १० र १२ नम्बर वडाहरु रहेको अध्यक्ष भण्डारीले बताउनुभयो ।
कार्यक्रममा संस्थाको प्रतिवेदन अध्यक्ष यमकान्त भण्डारीले प्रस्तुत गर्नुभएको हो । यस्तै संस्थाको आर्थिक प्रतिवेदन कोषाध्यक्ष भोलाप्रसाद थापाले प्रस्तुत गर्नुभएको थियो भने प्रगति प्रतिवेदन सचिव भुवन भुसालले गर्नुभएको थियो ।
कार्यक्रममा पार्षदहरु सुशीला सुवेदी, मानबहादुर केसी , मानव अधिकार तथा शान्ति समाजका पूर्व केन्द्रीय उपसभापति सुशील बस्नेत, नेपाल पत्रकार महासङ्घ दाङका उपाध्यक्ष उपेन्द्र बस्नेत लगायतकाले शुभकामना मन्तव्य राख्नुभएको हो । संस्थाका उपाध्यक्ष नारायणप्रसाद शर्माको स्वागत मन्तव्यबाट शुरु भएको कार्यक्रमको सहजीकरण सचिव भुवन भुषालले गर्नुभएको हो ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१३ फाल्गुन २०७९ ०९:५५
©Copyright©2021-2026 शहिद महान स्मृति संचार गृह प्रा.ली.
