काठमाडौँ । ६ कम्युनिस्ट पार्टीले फागुन २१ गते हुने प्रतिनिधिसभा निर्वाचन बहिष्कार गर्न आह्वान गरेका छन् । शुक्रबार ललितपुरमा बसेको ६ कम्युनिस्ट पार्टीको संयुक्त बैठकले सो आह्वान गरेको हो ।
बैठकपछि संयुक्त विज्ञप्ति जारी गर्दै उनीहरूले स्वाधीन संयुक्त जनसरकार र जनसंविधान सुनिश्चित नगरी यथास्थितिमा हुने जनविरोधी चुनावको बहिष्कार गर्न आम जनतामा अपिल गरेका हुन् ।
विज्ञप्तिमा भनिएको छ, ‘स्वाधीन, संयुक्त जनसरकार र जनसंविधान सुनिश्चित नगरी यथास्थितिमा हुने जनविरोधी चुनावको बहिष्कार गर्न आम जनतामा अपिल गर्दछौँ ।’
निर्वाचन बहिष्कार गर्न आह्वान गर्नेमा क्रान्तिकारी कम्युनिस्ट पार्टी नेपाल, नेकपा बहुमत, वैज्ञानिक समाजवादी कम्युनिस्ट पार्टी नेपाल, नेपाल कम्युनिस्ट पार्टी नेपाल , नेपाल कम्युनिस्ट पार्टी र समाजवादी कम्युनिस्ट पार्टी नेपाल रहेका छन् ।
बैठकले ६ कम्युनिस्ट पार्टीको संयुक्त केन्द्रीय सङ्घर्ष समिति गठन गर्ने र सुशीला कार्की नेतृत्वको सरकारविरुद्ध संयुक्त सङ्घर्ष गर्ने निर्णय समेत गरेको छ।
कार्की नेतृत्वको सरकार अलोकतान्त्रिक रहेको ठहर गर्दै त्यसको बर्खास्त गनुपर्नेमा समेत बैठकले जोड दिएको छ।
जारी संयुक्त विज्ञप्तिमा भनिएको छ : ‘विद्यमान जनविरोधी, अलोकतान्त्रिक, कठपुतली, सुशीला सरकार बर्खास्त गरी स्वाधीन संयुक्त जनसरकार र जनसंविधानका लागि संयुक्त सङ्घर्ष अघि बढाउने निर्णय सार्वजनिक गर्दछौँ ।’
बैठकले सर्वसाधारणलाई संयुक्त संघर्षको लहर सृष्टि गर्ने आन्दोलनमा सामेल हुन आह्वान समेत गरेको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
२८ भाद्र २०८१ २०:१०
९ आश्विन २०८१ १२:४८
६ फाल्गुन २०७८ १८:२७
©Copyright©2021-2026 शहिद महान स्मृति संचार गृह प्रा.ली.
