हेमन्तप्रकाश वली ।
माघ ११,घोराही । प्रतिनिधि सभा निर्वाचनको मिति नजिकिएसँगै दाङमा चुनावको माहोल तातिएको छ ।
आइतबार पहिलोपटक संसदीय निर्वाचनमा भाग लिन गइरहेको दल नेकपा (माओवादी)ले पत्रकार भेटघाट कार्यक्रम मार्फत चुनावी प्रतिबद्धताहरु सार्वजनिक गरेको छ ।
माओवादीबाट दाङ-३ का प्रत्यक्ष उम्मेदवार बलबहादुर वली (शितल)ले निर्वाचनमा मुख्य एजेन्डा जनताको आर्थिक जिवन बदल्ने रहेको बताए ।
उनले भने – ‘अहिलेसम्मका राजनीतिक व्यवस्थाले जनताको आर्थिक जिवन बदल्न सकेनन् । यो कुरा राज्यको आर्थिक प्रणालीसँग जोडिएको छ । हामिले जनताको जिवन बदल्न नयाँ आर्थिक प्रणालीको विकास गरेका छौँ , जसलाई पार्टीमा मात्रै होइन् राज्यमा रुपान्तरण गर्न चाहेका छौँ । एकीकृत स्वामित्वको आर्थिक प्रणालीले मात्रै जनताको जिवन बदल्न सकिन्छ। सरकार , नागरिक र निजि क्षेत्रको सामुहिक आर्थिक पर्यत्नवाट नागरिकलाई समुन्नत जिवन दिन सकिनेछ ।’
‘हामी मुख्य तिन विषयवस्तु लिएर निर्वाचनमा जाँदैछौँ,’ उनले भने, ‘ अहिलेको संविधानलाई संसोधन र पुनर्लेखन गर्नुपर्ने छ । राष्ट्र गम्भीर संकटमा छ त्यसैले राष्ट्रिय स्वाधीनताको रक्षा गर्ने मुख्य एजेन्डा हो । दोस्रो जनताको आर्थिक जिवन बदल्ने कुरा लिएर जनताको बिचमा जाँदैछौँ । तेस्रो कुरा यो चुनावबाट नेपाली विशेषताको समाजवादको आधार तयार गर्दै जाने हो । राष्ट्रिय स्वाधीनता , नयाँ आर्थिक प्रणाली र समाजवादको मुख्य एजेन्डा लिएर जान्छौँ ।’
उम्मेदवार वलीले पश्चिम दाङलाई समृद्ध बनाउन दिगो विकासको संकल्पसहित भौतिक पुर्वाधार , सडक पुर्वाधार , खानेपानी , शिक्षा , स्वास्थ्य , रोजगारका एजेन्डा लिएर चुनावी प्रतिस्पर्धामा गएको स्पष्ट पारेका थिए ।
यस्तै पत्रकार भेटघाट कार्यक्रममा माओवादीबाट दाङ क्षेत्र नं.१ का प्रत्यक्ष उम्मेदवार प्रकाश शाहीले देउखुरीको क्षेत्रको समग्र विकासको लागि आफ्नो उम्मेदवारी भएको दाबी गरेका थिए ।
उनले भने – ‘देउखुरी प्रदेशको राजधानी भएको ठाउँ हो तर विकासका दृस्टीले अहिलेपनि राजपुरका विकट क्षेत्र सडक पुर्वाधार , सञ्चारसँग नजोडिनु दुखद पक्ष हो ।
सन्तुलित विकासको योजना , प्रत्येक क्षेत्रलाई सडक संजालसँग जोड्ने , सुद्ध खानेपानी , नवयुवालाई स्वरोजगार बनाउने , लागुऔषध दुर्व्यसनि विरुद्धको योजना , वातावरणको दीर्घकालीन संरक्षणको योजना सहित चुनावमा होमिएको छु । जनताले मुद्दा र एजेन्डा अनुसार भोट दिनुपर्छ , हामी जित्छौँ भन्ने विश्वास पैदा भएको छ ।’
कार्यक्रम नेकपा (माओवादी) दाङका इन्चार्ज सविन सीले जिल्लाभरीका प्रत्यक्ष र समानुपातिक उम्मेदवारहरुको परिचय पत्रकारहरुलाई गराएका थिए ।
दाङमा पार्टीले क्षेत्र नं.१ मा पार्टीका केन्द्रीय सदस्य प्रकाश शाही , क्षेत्र नं. ३ मा पार्टीका पोलिटब्युरो सदस्य बलबहादुर वली (शितल)लाई प्रत्यक्ष उम्मेदवार बनाएको छ ।
दाङ-२ मा भने पार्टीले प्रत्यक्ष उम्मेदवारी दिएको छैन् ।
यो निर्वाचन क्षेत्रमा एमालेका उम्मेदवार शंकर पोख्रेललाई समर्थन गर्ने र एमालेले कालिकोटमा माओवादीका उम्मेदवार खड्ग बहादुर बिश्वकर्मा (प्रकाण्ड)लाई सहयोग गर्ने सहमती भएको बुझिएको छ ।
नेकपा (माओवादी)ले दाङ-२ मा उम्मेदवारी दर्ता नगरेपनि कालिकोटमा भने एमालेले प्रत्यक्षमा उम्मेदवारी दर्ता गरेको छ ।
उम्मेदवारी फिर्ता लिने समयमा समेत सहमति बमोजिम एमालेले उम्मेदवारी फिर्ता लिएको छैन् ।
पार्टीको आयोजनामा भएको उम्मेदवारसँगको भेटघाट कार्यक्रमको संचालन पार्टीका जिल्ला सचिव तिलक योगीले गरेका थिए ।
कार्यक्रममा पार्टीका केन्द्रीय सदस्यहरु , पार्टीका केन्द्रीय प्रतिनिधि सदस्यहरु , पत्रकार महासंघका केन्द्रीय सचिव सविन प्रीयासन , महासंघका दाङ जिल्ला सचिव जेएन सागर , सप्तरंगी टेलिभिजनका प्रतिनिधि नारायण नेपाल , राजमार्ग अनलाइनका प्रतिनिधि दिपक जिएम , युगबोधकर्मी गोबिन्द खड्का , रेडियो मध्यपश्चिमका प्रतिनिधि शान्तकुमार बुढामगर , महासंघ दाङकि उपाध्यक्ष नारायणी रजौरे , लाइभदाङका सञ्चालक दिपक बोहरा , गोरक्ष पत्रीकाका प्रतिनिधि अमरराज आचार्य , मगरात टेलिभिजनका प्रतिनिधि महेश आरोही , फरकयात्राका प्रतिनिधि डम्बर बुढा , जनप्रीय टिभीका प्रतिनिधि सुधन थापा , लुम्बिनी सञ्चारका सम्पादक टिका बस्नेत , एनटीभिका प्रतिनिधि माधव वली , मेट्रो न्युजका प्रतिनिधि श्री चौधरी , टिभी ९ एचडीका प्रतिनिधि शुसिल परियार , खोजरफ्तारका सञ्चालक हेमराज परिवर्तन , रुटिन अफ रोल्पाका प्रतिनिधि विकाश खड्का लगाएतको उपस्थिति रहेको थियो ।
माओवादीले दाङबाट पार्टीका नेताहरु यमलाल कटुवाल सार्की (विक्रम) , विस्पुरा घर्ती , शुर्य यादव , अशोका कुमारी भण्डारी , कान्छी चौधरी (जिवनी) , जानकी चौधरीलाई समानुपातिक उम्मेदवार बनाएको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
१२ कार्तिक २०७९ २०:२३
२७ मंसिर २०७८ १९:२५
९ श्रावण २०८० २१:५६
१४ मंसिर २०८० १४:१७
©Copyright©2021-2026 शहिद महान स्मृति संचार गृह प्रा.ली.
