दाङ । नेकपा (माओवादी) का केन्द्रीय प्रतिनिधि सदस्य तथा शान्तिनगर गाउँकमिटीका सेक्रेटरी मनोज सीका बुवा दिवंगत जीतबहादुर परियारको स्मृतिमा श्रद्धाञ्जली कार्यक्रम सम्पन्न भएको छ।
शान्तिनगरमा सोमबार आयोजित कार्यक्रममा नेकपा (माओवादी) का पोलिटब्युरो सदस्य शितल सीको प्रमुख आतिथ्यता रहेको थियो। कार्यक्रममा नेकपा बहुमतका नेता अमर खड्का, नेपाली कम्युनिस्ट पार्टीकी नेतृ राधिका परियार, नेकपा (माओवादी) का केन्द्रीय सदस्य सविन सी लगायतले दिवंगत परियारप्रति श्रद्धाञ्जली अर्पण गर्दै उहाँको योगदान र व्यक्तित्वको स्मरण गरेका थिए।
दिवंगत जीतबहादुर परियारको साउन १९ गते ६३ वर्षको उमेरमा दुःखद निधन भएको थियो।
श्रद्धाञ्जली कार्यक्रममा माओवादी नेताहरू प्रदीप सी, तिलक सी, रुद्र सी, प्रतिरोध सी, विजय सी, जीवनी सी लगायत विभिन्न राजनीतिक दलका प्रतिनिधिहरूको सहभागिता रहेको थियो।
कार्यक्रमको सहजीकरण नेकपा (माओवादी) का केन्द्रीय सदस्य तथा शान्तिनगर गाउँकमिटीका इन्चार्ज निर्मल सीले गरेका थिए।
श्रद्धाञ्जली कार्यक्रमको अवसरमा दिवंगत जीतबहादुर परियारको स्मृतिमा जनता आधारभूत विद्यालय, शान्तिनगर–३, भलानेटीका विद्यार्थीहरूलाई शैक्षिक सामग्रीसमेत वितरण गरिएको थियो ।
विद्यार्थीहरूलाई कापी, कलमलगायतका आवश्यक शैक्षिक सामग्री वितरण गरिएको हो। सहयोगप्रति विद्यालयका प्रधानाध्यापक ठगप्रसाद पुनले धन्यवाद व्यक्त गरेका थिए।
दिवंगत परियारको स्मृतिलाई सामाजिक सेवासँग जोड्दै विद्यार्थीहरूलाई शैक्षिक सामग्री सहयोग गरिएको माओवादीले जनाएको छ ।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
२४ जेष्ठ २०७९ १६:०९
१८ आश्विन २०७८ १७:००
५ जेष्ठ २०७९ ०६:४५
१८ बैशाख २०८१ १४:३१
©Copyright©2021-2026 शहिद महान स्मृति संचार गृह प्रा.ली.
