न्यूजराप्ती,फागुन २५,तुलसीपुर। नेपाल कम्युनिस्ट पार्टी निकट अखिल( क्रान्तिकारी) सहित संयुक्त बिद्यार्थी संगठनले आज घोराहीमा प्रदर्शन गर्ने जनाएका छन।
राष्ट्रघाती एमसिसी सम्झौताका विरुद्ध दाङमा आन्दोलनरत कृयासिल ३ कम्युनिस्ट पार्टीहरु नेकपा,नेकपा( मसाल) र नेकपा( क्रान्तिकारी माओवादी) निकट बिद्यार्थी संगठनको संयुक्त आयोजनामा बृहत प्रदर्शन सहित सभा हुने अखिल(क्रान्तिकारी) का केन्द्रीय सदस्य एवम दाङका इन्चार्ज अमर खड्काले जानकारी दिनुभएको छ।
राष्ट्रघाती एमसीसी विरुद्धको विरोध प्रदर्शनमा सहभागी हुन सम्पूर्ण देशभक्त, वामपन्थी, वुद्धिजीवी, राष्ट्रप्रेमी लगाएत सचेत नागरिकलाई संगठनहरुले अपिल समेत गरेका छन।
दाङमा नेपाल कम्युनिस्ट पार्टीसहित नेकपा (मसाल), नेकपा (क्रान्तिकारी माओवादी), नेकपा माले र दुई मार्चाहरु राष्ट्रिय जनमोर्चा र देशभक्त जनगणतान्त्रिक र्मार्चाले निरन्तर रुपमा एमसीसीविरुद्धको विरोधमा संघर्षका कार्यक्रमहरु गर्दै आइरहेका छन।
सबै किसिमका विकृतिका विरुद्ध,राष्ट्रिय स्वाधीनता,अग्रगामी परिवर्तन,सामाजिक जागरण र रुपान्तरणका पक्षमा जनचेतनाको संवाहक साथै समृद्ध समाजको संवाहक(डेली न्यूजराप्ती अनलाइन डिजिटल पत्रीका)को माध्यमबाट हामी निरन्तर डटिरहेका छौं।
४ असार २०७९ ०८:०४
२७ फाल्गुन २०७९ ०६:२१
१३ कार्तिक २०७८ २१:४५
©Copyright©2021-2025 शहिद महान स्मृति संचार गृह प्रा.ली.
